老是常出現!過年睇極唔厭嘅賀歲片

老是常出現!過年睇極唔厭嘅賀歲片

一年容易又過年,打開電視,總係會有啲「老是常出現」,但係點都睇唔厭嘅賀歲片

By COSMO

一年容易又過年,打開電視,總係會有啲「老是常出現」,但係點都睇唔厭嘅賀歲片。各位辛苦咗一年,係時候坐低笑住過年啦!究竟有咩年年都要睇嘅賀歲片,你又最鐘意睇邊套呢?

星爺系列

家有囍事,周星馳

每逢過年,電視台電影台一定係播得最多星爺嘅戲,尤其係《家有囍事》嘅重播頻率最高。梗係啦,又有咁多巨星撐場,又好笑,又好意頭喎!「巴黎鐵塔反轉再反轉」,「無定向喪心病狂全身機能失調症」呢啲對白睇幾多次都係會笑得出!

逃學威龍3之龍過雞年,周星馳

《逃學威龍3之龍過雞年》都係經典之一,雖然劇情唔同之前嗰2集,但係都不乏無厘頭搞笑場面!

行運一條龍,周星馳

雖然星爺喺《行運一條龍》只係客串性質,不過我諗大部分人都只會記得「咩話,年初四咁嘅樣?」呢句對白。

破壞之王

其實90年代每年賀歲檔期,幾乎都有星爺嘅作品上映,實有幾句對白你聽得明,你噏得出,就好似《破壞之王》、《97家有囍事》、《喜劇之王》,套套都係經典,年年都播。

00後賀歲片

嚦咕嚦咕新年財

雖然2000年後嘅港產賀歲片冇以前咁輝煌,但係都數得出幾套好睇,而且都係過年期間重播次數好高嘅作品。就好似《嚦咕嚦咕新年財》。過年唔打牌,做咩呢?華仔同青雲嘅搞笑演出、梁詠琪嘅爆炸頭造型,仲有奶奶嘅「好彩我兩個仔有一個生性」、「我要同我個仔報仇」都係為人津津樂道嘅場面。

行運超人,鄭中基

另外又點可以唔提及《行運超人》呢?鄭中基扮女人一幕堪稱爆笑場面經典!

七十二家租客

講到近幾年嘅賀歲片,《七十二家租客》都幾有睇頭㗎!TVB藝員總動員、多位歌手助陣、還原旺角西洋菜街嘅場景,有曬賀歲片元素,夠熱鬧!

百年好合

2003年《百年好合》有票房保證Sammi同古天樂,拍住上。相信「自從峨嵋山上見到你,我好想飛鵝山上見翻你」有好多人都識唱。

懷舊經典

最佳拍檔

有冇人鐘意懷舊?1982年嘅《最佳拍檔》可以話係賀歲片鼻祖,當年票房已經大收二千幾萬,而且有第一代歌神許冠傑做主角。有啲演員可能你直頭聽都未聽過!

富貴逼人

《富貴逼人》系列都係值得一睇再睇嘅賀歲片

東成西就

不得不提《東成西就》,真係無厘頭得嚟又好好笑。將王家衛《東邪西毒》嘅原班人馬再拍多套喜劇,張學友唱「我愛你」拍住朝偉嘅鴨仔孖潤腸又係一絕!

唔知大家又鐘意睇邊套呢?

LOAD MORE