Bosco出晒名係肌肉猛男，最近喺劇集《飛虎之潛行極戰》飾演飛虎隊成員嘅佢仲大騷肌肉，但呢一幕竟然被網民瘋狂惡搞，幫佢配上唔同女裝打扮，連瑪麗蓮夢露都出埋！
Bosco無嬲不特止，自己都留言話笑到流眼水！唔知係咪見到自己都幾襯女裝，日前佢喺社交網嚟一個晒冷，一次過貼晒自己過往的扮女人造型添。
羅志祥
台灣天王羅志祥（小豬）男扮女裝嘅「女生」朱碧石近年紅遍兩岸三地，樸素中卻又夾雜點搞笑的裝扮除咗令佢成為新「網紅」，甚至仲獲選「2016微博七夕夢幻情人」冠軍。
袁偉豪
阿Ben高大靚仔，而且外型十分陽光，無論男女都可以通殺。喺劇集《三個女人一個「因」》要扮女人去做人格分裂角色。
對於佢呢個角色，網民就話：「呢個女人唔錯」、「很養眼」、「美和帥」、「Wowwwww!so beautiful」，連阿Ben自己都話呢個女人形象比一般男扮女裝靚添。
潘瑋柏
台灣歌手潘瑋柏先前喺萬聖節挑戰扮女裝，成果令人眼睛為之一亮。
他戴上金色波浪假髮，化身童話故事裡嘅公主。最搞笑係連陳小春嘅女裝造型都喺張相入面，但佢嘅男人味絲毫不減，認真搞笑。
黃子韜
呢個「黃桃桃」係黃子韜之前參加大陸綜藝節目《閃亮的爸爸》嘅打扮。
一頭齊陰長髮，戴上黑帽兼化上濃妝，仲帶點成熟嘅韻味，不過當時個名就叫「黃程程」。
胡鴻鈞
從唱歌跨界到演戲嘅Hubert 早前喺劇集《誇世代》裡面飾演出一名賭場大少潘榮亨，表面謙謙君子，實為斯文敗類，熱愛玩重口味SM。有一場戲，Hubert去參加一個cosplay party，居然裝扮成一個金髮綠色旗袍的女人，唔知大家又覺得點呢？
