feature

「約會」王菀之又唱又跳!吳鎮宇圓夢參演百老匯著名愛情音樂劇《First date》

「約會」王菀之又唱又跳!吳鎮宇圓夢參演百老匯著名愛情音樂劇《First date》

係,你無睇錯,影帝吳鎮宇首次參演音樂劇!著名百老匯愛情音樂喜劇《First Date》嚟緊8月會喺香港公演,呢齣被美聯社同紐約郵報評為「型!瘋狂好笑」同「非常有趣!」嘅音樂喜劇,香港版揾嚟吳鎮宇做男主角。原來參演音樂劇一直係吳鎮宇嘅心願之一,佢仲話呢個係佢做演員以來最大嘅挑戰,至於女主角王菀之就話可以同偶像吳鎮宇同台演出,整件事都好夢幻。

by Candy Chau and Grace Luk

吳鎮宇:當演員以來最大的挑戰

逆流大叔轉行做舞台劇演員!吳鎮宇X王菀之重新演繹著名百老匯愛情

曾獲得第37屆台灣電影金馬獎最佳男主角嘅吳鎮宇,係公認嘅實力派。對香港人嚟講,吳鎮宇喺《衝上雲霄》劇集系列飾演嘅Sam哥,或者喺近期《逆流大叔》入面演嘅阿龍,形象更加係深入民心,演技真係無容置疑。 

逆流大叔轉行做舞台劇演員!吳鎮宇X王菀之重新演繹著名百老匯愛情

除咗電視、電影,吳鎮宇嘅舞台表演亦相當之受歡迎。佢喺1998、2000年,同黃子華、張達明,演出嘅《鬚根SHOW》共演出超過一百場,《鬚根SHOW》 嘅影碟亦賣超過20萬張,打破咗香港舞台場次紀錄,簡直係贏盡口碑呀!

逆流大叔轉行做舞台劇演員!吳鎮宇X王菀之重新演繹著名百老匯愛情

吳鎮宇接受媒體訪問時表示,參演音樂劇係佢嘅心願之一,而且佢視今次演繹著名百老匯愛情音樂喜劇《First date》為佢做演員以來最大嘅挑戰!佢話因為要同時演戲、唱歌加跳舞,真係少啲力量都唔得。

逆流大叔轉行做舞台劇演員!吳鎮宇X王菀之重新演繹著名百老匯愛情

香港版《First Date》其實喺改編自同名的百老匯愛情音樂喜劇。故事講述兩個素未謀面,生活喺繁忙都市嘅單身男女,喺家人和朋友安排之下,開始咗佢哋嘅第一次約會。

逆流大叔轉行做舞台劇演員!吳鎮宇X王菀之重新演繹著名百老匯愛情

Aaron (吳鎮宇飾演),性格保守嘅金融才子,  渴望尋找一段認真的戀愛關係;Casey (王菀之飾演),就係充滿個性嘅藝術家, 追求自由奔放嘅生活。兩個風馬牛不相及,亳無共通點嘅人,喺得到愛管閒事嘅餐廳侍應幫忙下,開始咗第一次約會。

王菀之:不要在各位前輩前太失禮就好了

逆流大叔轉行做舞台劇演員!吳鎮宇X王菀之重新演繹著名百老匯愛情

至於女主角王菀之,佢就話由百老匯確定劇目之後,因為得知能夠同偶像吳鎮宇合作演出,所以成個人都輕飄飄咁,形容整件事都好夢幻!

逆流大叔轉行做舞台劇演員!吳鎮宇X王菀之重新演繹著名百老匯愛情

其實王菀之唔止係歌手同演員,佢喺戲劇演出方面亦頗具經驗。2006年開始參演舞台劇,2010年《柯迪夫Octave》19場演出全部爆滿,佢更憑為呢齣劇創作嘅歌曲入選第20屆香港舞台劇獎「最佳原創音樂」提名。2011年翻譯百老匯音樂劇《I Love You Because》為佢帶來第21屆香港舞台劇獎「最佳女配角」提名,證明王菀之嘅演戲天分得到業界肯定。

逆流大叔轉行做舞台劇演員!吳鎮宇X王菀之重新演繹著名百老匯愛情

但喺戲劇方面咁有經驗嘅佢,一啲都唔敢鬆懈!現階段嘅佢表示啱啱完成劇本翻譯工作,正喺度加緊努力咁熟讀劇本,仲謙虛咁話:不要在各位前輩前太失禮就好了。

失落金像影帝轉戰舞台劇?吳鎮宇夥拍王菀重新演繹著名百老匯愛情音

▲出爐金像獎最佳男配角袁富華依有份參演音樂劇《First Date》

另外,《First Date》音樂劇團隊嘅陣容亦相當強勁!由天邊外劇場藝術總監資深劇場導演陳曙曦執導,聯同一眾本港知名舞台劇演員袁富華、余迪偉、鄧志堅、吳鳳鳴及張月盈,以廣東話演譯呢套百老匯嘅著名劇目。

失落金像影帝轉戰舞台劇?吳鎮宇夥拍王菀重新演繹著名百老匯愛情音

仲一點不可不提嘅,就係《First Date》喺香港公演嘅最大特色:舞台上有現場樂隊表演!《First Date》由著名音樂作曲家John Laudon(劉諾生) 擔任音樂總監,以最好嘅音樂演譯《First Date》知名曲目“First Impression”、“Something that will last”等等,佢嘅代表作品有《餓狼傳說》、《愛念》、《地球很危險》、《超錯》....等等

大家喺大螢幕上見吳鎮宇就見得多,唔知舞台上演音樂劇嘅佢又喺點樣架呢?嚟緊《First Date》將於2019年8月30日至9月8日,喺香港演藝學院歌劇院盛大公演,如果見到吳鎮宇嘅另外一面,就睇準時機買飛啦!

《First Date》 音樂劇詳情:

 導演  : 陳曙曦

演員  : 吳鎮宇/王菀之/袁富華/余迪偉/鄧志堅/吳鳳鳴/張月盈

音樂總監  : John Laudon

日期         : 2019年8月30日至9月8日

夜8pm  :2019年8月30日至9月1日 & 9月3日至9月8日  (共9場)

日場3pm  :8月31日至9月1日 & 9月7日至8日 (共4場)

場地          :香港演藝學院歌劇院

LOAD MORE