feature

迷你星二代上學去!黎諾懿、陳敏之、車婉婉、黃伊汶眼濕濕送娃走 分離焦慮的病人竟是明星爸媽

迷你星二代上學去!黎諾懿、陳敏之、車婉婉、黃伊汶眼濕濕送娃走 分離焦慮的病人竟是明星爸媽

娛樂圈近幾年確實熱鬧,除咗本身有一班藝人娛樂大家之外,佢地嘅星二代仔仔、女女都非常有娛樂性!雖然佢地唔係娛樂圈人,但從一班明星父母嘅ig都見到呢班迷你星二代嘅蹤跡,儲埋儲埋都唔少粉絲㗎!唔經唔覺,呢班迷你星二代已經2歲,即係要開始返PN班,即係要返學!即係要準備同父母分開喇!以前,通常小朋友返學都會有「分離焦慮症」,即係一定喊到拆天,唔想離開父母……不過,小孩你太天真了!而家呢個年代,有「分離焦慮症」嘅其實係父母本身呀!


黎諾懿仔仔小春雞搶住開門返學!

迷你星二代上學去!分離焦慮的病人竟是明星爸媽  黎諾懿、陳敏之、車婉婉

黎諾懿和太太李潔瑩Nicole嘅仔仔黎峰睿(小春雞)2017年4月出世,貶下眼已兩歲幾,要返PN班了,踏入要孭書包上學去嘅人生階段。

迷你星二代上學去!分離焦慮的病人竟是明星爸媽  黎諾懿、陳敏之、車婉婉

其實黎諾懿一直與仔仔感情非常好,休息時間會帶小春雞周圍去玩就唔洗講。

迷你星二代上學去!分離焦慮的病人竟是明星爸媽  黎諾懿、陳敏之、車婉婉

平時拍劇超忙碌嘅佢,收工返屋企都會陪小春雞,絕對係個稱職嘅超級爸爸!

不過,小春雞似乎唔係好care爸爸,第一日返學就搶住要開門返學,唔知此舉有冇傷到爸爸心呢?

迷你星二代上學去!分離焦慮的病人竟是明星爸媽  黎諾懿、陳敏之、車婉婉

之前諾懿喺ig分享咗小春雞嘅第一張學生相,見小春雞身穿白色校服,睇起上嚟真係愈大愈似黎諾懿,唔知大咗佢會唔會同爸爸一樣做演員呢?

陳敏之等仔放學勁不捨!

迷你星二代上學去!分離焦慮的病人竟是明星爸媽  黎諾懿、陳敏之、車婉婉

上星期陳敏之嘅2歲兒子雷子樂(Eddie)已經開學,當日敏之仲好興奮㗎,仲喺ig分享仔仔著上校服嘅相片。

點知到Eddie返學一星期之後,敏之竟然喺ig po咗一張佢素顏坐喺餐廳入面,等緊仔仔放學嘅相,加埋佢嘅caption,就知佢確實百般滋味在心頭。

迷你星二代上學去!分離焦慮的病人竟是明星爸媽  黎諾懿、陳敏之、車婉婉

敏之經常都會陪仔仔周圍玩,因為佢自己都認同「陪伴是最好的禮物」

迷你星二代上學去!分離焦慮的病人竟是明星爸媽  黎諾懿、陳敏之、車婉婉

小朋友可能會好開心收到禮物,但物質總係有限,父母嘅愛和陪伴先係永無止境!

迷你星二代上學去!分離焦慮的病人竟是明星爸媽  黎諾懿、陳敏之、車婉婉

之前佢拍《到此一遊—台北》嘅時候爆喊,話勁唔捨得個仔,就知佢有幾錫自己個心肝椗!

迷你星二代上學去!分離焦慮的病人竟是明星爸媽  黎諾懿、陳敏之、車婉婉

所以佢見到個仔返學又冇喊,仲要同佢hi-five,佢係放心,但又百般不捨,畢竟小朋友係由自己條腸出嚟,又想佢快啲長大,但又唔捨得佢咁快長大嗰種不捨和矛盾,相信作為家長一定明白!

黃伊汶母子分離sad到講前世今生

迷你星二代上學去!分離焦慮的病人竟是明星爸媽  黎諾懿、陳敏之、車婉婉

黃伊汶(Emme)與人稱「小龍」嘅陳國坤嘅仔仔陳真,今年都3處人仔,已經要返K班,正式上幼稚園,即係正式步入人生要認真讀書吓階段。小朋友嘅升學問題,相信會係大部分香港家長最大嘅憂慮。

迷你星二代上學去!分離焦慮的病人竟是明星爸媽  黎諾懿、陳敏之、車婉婉

不過Emme就明白到香港小朋友嘅學業壓力,所以早前都喺ig po咗個帖寫:「不要逼他們跑得太快,他們有一生的時間好好學習。快樂就好」,希望都可以提醒現今香港嘅家長。

雖然身為媽媽嘅Emme喺小朋友學業方方面好開通,不過佢其實同一般家長一樣,對於小朋友要上學去,都係萬分不捨,仲sad到擺咗文學家龍應台上檯:「人生充滿一去不返的背影與目送,所謂母子一場,只不過意味著,和他的緣分就是今生今世不斷地在目送他的背影漸行漸遠」。其實都只係返學啫,Emme又唔使咁感慨嘅~

迷你星二代上學去!分離焦慮的病人竟是明星爸媽  黎諾懿、陳敏之、車婉婉

有說「女兒是爸爸的前世情人」,咁仔仔一定係媽媽嘅前世情人,早排母親節陳真代爸爸送花俾Emme,Emme sweet爆!看來爸爸都冇地位了~

迷你星二代上學去!分離焦慮的病人竟是明星爸媽  黎諾懿、陳敏之、車婉婉

為人父母嘅,見證小朋友一日一日長大,大到快要離開自己,真係既喜且悲。

車婉婉眼濕濕打千字文

迷你星二代上學去!分離焦慮的病人竟是明星爸媽  黎諾懿、陳敏之、車婉婉

高齡產婦車婉婉以42歲之齡誕下兒子Justus Quinlan(BBQ),今年2歲幾嘅BBQ今個星期都正式開學了!

迷你星二代上學去!分離焦慮的病人竟是明星爸媽  黎諾懿、陳敏之、車婉婉

因為千辛萬苦先生到仔仔嘅關係,婉婉對於仔仔絕對係緊張大師,之前有訪問都有講過佢生咗BBQ之後冷落咗老公,成日同老公吵大鑊!

到BBQ正式返學,婉婉更情緒大爆發,仲喺ig po相話自己「非常不捨」!

迷你星二代上學去!分離焦慮的病人竟是明星爸媽  黎諾懿、陳敏之、車婉婉

仲講到話知道自己「不能無時無刻的在你身邊遮風擋雨,諗到依度都有d眼濕濕」,真係陰公豬!之後仲話「我有理由相信,呢段適應期係學校安排比我嘅」。冇錯,其實小朋友上學去,最不捨嘅其實係父母本人,爸媽們要有Big heart呀!

LOAD MORE