【香港小姐2019】冠軍有樣睇？最快做女主角再做人妻？ 近10年港姐大評選 !

一年容易又港姐，呢個比賽只係好多參賽者人生嘅一個新開始，回顧返2009到2019年嘅港姐競選，有人已經覓得好歸宿，成為人妻人母，離開演藝圈專心相夫教子，亦有人專心發展演藝事業，不斷挑戰新角色。雖然方向唔同，但大家一樣活得多姿多彩。同時有人成功就有人失敗，無論係咩身份角色，做一個正直，善良嘅人，先可以走得遠。

雖然話藝人唔容易做，但唔少人依然對呢一行趨之若鶩。最近又到一年一度嘅港姐競選季喇，各色各樣嘅參賽者齊齊現身電視城接受大家嘅檢閱，每年參加港姐競選嘅佳麗，質素雖然係參差不齊，但畢竟對於美麗嘅定義，每個人嘅標準都唔一樣。而且作為港姐入行，其實星途亦唔會太受比賽名次而影響，睇返最近十年嘅港姐發展，要想喺呢個圈子裡面混得好，性格同路人緣比外表更重要。

最成功演員

朱晨麗

由港姐身份入行做演員，非常講究年功序列，論資排輩，好似朱晨麗都係2011年嘅港姐冠軍，喺擔正做女一之前，佢都老實做咗好耐配角，最後喺台慶仲攞埋最佳女配角，先開始走上女一之路。

有人要奮鬥幾年先可以做女主角，但亦有人一出生就贏在起跑線，好似千雪BB同陳凱琳，卸任港姐之後第一次拍劇就有重要角色，可見公司對佢哋兩個有幾重視。

 朱千雪

朱千雪形象健康，觀眾緣好，可惜鐘意讀書多過鐘意拍劇。佢喺大台拍劇嘅時間其實唔多，但因為千雪BB開始拍劇就有重要角色，好快就擔正做女主角，所以大家對佢嘅印象非常深刻。佢第一次做女主角嘅「EU超時任務」收視同口碑都非常好，台慶頒獎禮上仲同王浩信一齊攞咗嘅最受歡迎電視劇拍檔獎。

正當大家都非常期待呢個女演員嘅未來時，讀完碩士嘅千雪BB又走去讀法律博士，因為學業，仲冇辦法拍劇，只能出席商業活動同拍下旅遊節目。

千雪喺《EU超時任務》嘅表演非常精彩，大台當正佢係親生女，再拍多幾年劇分分鐘有機會攞視後。可惜大家等千雪讀完書，以為佢會返嚟拍劇啦，點知千雪就走咗去結婚，仲話之後準備定居新加坡，睇嚟以後想再見佢都幾難喇

唯有祝福千雪BB早生貴子啦。

陳凱琳

啱啱開始拍劇嘅時候，陳凱琳嘅「殭」「張保仔」都被網民批評雞仔聲，演技誇張做作，到「平安谷」嘅「羅桂思」演技終於有進步，星途一片坦蕩嘅時候，Grace又走咗去結婚生仔，不過佢就話自己依然好鐘意拍劇，之後一定會重新出現喺電視螢幕前。

馮盈盈

馮盈盈成日孖住師姐麥明詩上節目，拍旅遊特輯，但拍劇嘅機會佢明顯俾麥明詩多好多，事關盈盈嘅演技同可塑性好強，已經有機會拍唔少重頭劇。

最成功演員

比如熱播緊嘅「白色強人」，角色戲份仲越嚟越重，雖然宜家只有25歲，但已經獲得公司力捧，前途一片光明，成為女一都係遲早嘅事情。

最成功太太

張名雅

2012年嘅冠軍張名雅，卸任後拍咗幾年電視劇就同律師男友結婚，專心做富貴人妻，之後生咗兩個可愛囝囝，不時喺IG開心share一家四口嘅幸福相，佢透露已經同無線續約，之後等細仔大啲都會繼續出嚟拍劇過下戲癮。

張名雅個仔真係好得意。

陳凱琳

陳凱琳嫁俾鄭嘉穎之後火速生B，佢都話老公錫到佢同個仔窿，好樂意分擔湊B嘅重任，比如喂奶，換片，反而成日叫Grace唔好咁操勞，Grace當然好窩心。

單文柔

單文柔16年參選港姐嘅時候十強就出局喇，喺圈中成績一直平平無奇，最令人關注嘅就係佢同陳展鵬嘅一段感情！兩人之前不斷否認緋聞，但到18年突然公開婚訊，更宣佈已經Phoebe懷孕，之後Phoebe同展鵬火速結婚生女，宜家一家三口超級幸福。

生囡囡嘅時候Phoebe患上乳腺炎發高燒，好在都可以順利好返，展鵬之後都更錫呢兩母女。

性格酷爆嘅展鵬做咗爸爸之後都變得柔和唔少，前幾日幫囡囡搞咗個百日晏，一家三口幸福滿瀉。

最失敗港姐

黃心穎

最成功同最失敗有時只係一念之差，黃心穎本來備受公司重用，多套重頭劇嘅重要角色，以及作為女一演出嘅劇集都有唔少，同男友馬國明嘅戀情都被外界看好，仲屢傳婚訊。

可惜因為「安心偷食」事件，身敗名裂，仲有遠走美國避風頭，之後都好難再喺演藝界立足。

雷庄儿

雷庄儿因為外表問題一直被網民歸為豬扒港姐一類，而且佢性格比較直，公開鬧網民，更加惹嚟大家嘅不滿。不過佢抱住此處不留爺，自有留爺處嘅態度，一卸任就飛返加拿大發展。遠離香港網民。