news

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅瘦》有幾勁?

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅瘦》有幾勁?

一直對戀情隻字不提嘅內地演員趙麗穎,上 年國慶突然喺微博宣佈已經同演員馮紹峰拉埋天窗,然後到今年元旦佢仲宣佈已經懷孕,靠呢兩單新聞,兩公婆主演嘅電視劇《知否知否應是綠肥紅瘦》簡直賺嗮關注度。雖然趙麗穎因為懷孕幾乎缺席嗮所有電視劇嘅宣傳活動,但靠老公馮紹峰,同演男二嘅內地網絡男神朱一龍出動為劇集造勢,再加上係兩人新婚後推出嘅第一套作品,呢套劇嘅勢頭已經夠嗮強勁。

by CC

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

當然趙麗穎、馮紹峰同朱一龍呢三位演員都係有名嘅收視福將,有佢地坐鎮,電視劇播出之後亦穩居第二寶座,網上點擊率同樣可觀。有消息指,原本打算同期播出嘅,由吳謹言,聶遠「延禧攻略」原班人馬主演嘅《皓鑭傳》,以及章子怡接拍嘅第一套電視劇《帝王業》(又名《江山故人》)都紛紛改期避讓。夫妻檔上陣果然冇得輸。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

內地有一個女演員,論樣唔係最靚,論身材唔係最fit,甚至唔係戲劇專業嘅科班出身,但佢拍嘅每部電視劇都幾乎都可以爆紅,本人亦憑住出色演技躋身一線當紅女星。佢就係有「收視女王」之稱嘅趙麗穎。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

被fans愛稱為穎寶嘅趙麗穎,16年拍電影《西遊記·女兒國》時同戲中男主角馮紹峰撻著,雖然周時都會被影到出雙入對嘅畫面,但兩人一直冇正面回應。直到18年10月佢底喺微博認愛宣佈婚訊,今年元旦馮紹峰發微博公佈穎寶懷孕,閃電完成結婚生子兩件人生大事。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

有人話電影「西遊記女兒國」係馮紹峰同趙麗穎嘅定情作。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

趙麗穎老公馮紹峰係劇集「蘭陵王」男主角,內地一線男星。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

舊年趙麗穎跳過公開戀情,直接宣佈同馮紹峰拉埋天窗,當時「官宣體」更成為人人模仿嘅熱詞。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

今年元旦佢哋宣佈懷孕之餘,不忘幫電視劇做宣傳。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

馮紹峰同穎寶宣佈結婚之後播出嘅第一套電視劇,就係最近熱播緊嘅《知否。知否。應是綠肥紅瘦》,呢套電視劇亦有傳都係馮紹峰同穎寶嘅定情作,喺劇集播出之前,兩人閃電公佈婚訊為劇集造勢,大家就對呢套電視劇嘅關注當然更加高。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

再加上趙麗穎,馮紹峰一直係收視嘅保證,而男二號就有內地時下話題度最高男星之一嘅朱一龍,可以話呢套劇可能係香港人心中未必係最想睇嘅一套劇,但係喺大陸絕對係同時期最多人關注嘅電視劇。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

舊年《延禧攻略》爆紅,緊隨延禧播放嘅電視劇《如懿傳》因為題材同延禧非常貼近,儘管如懿喺演員同劇情上都俾延禧更勝一籌,但因為延禧風頭太勁,如懿成為炮灰劇。為咗避免再發生咁嘅悲劇,原本計劃同《知否知否應是綠肥紅瘦》同時段播出嘅《帝王業》同《皓鑭傳》自覺改期退讓。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

《帝王業》係內地影壇巨型章子怡進軍小熒幕嘅第一個作品,電視劇改編自同名小說,章子怡演嘅女主角王儇性格大氣,手段強硬,係一個非常適合佢演嘅角色,呢套劇亦係浙江衛視年度重頭劇。舊年11月全劇殺青,據說呢套劇原本計劃喺今年第一季度播出,但最近宣佈將會喺第二季度,即係今年5月後先會播出,唔知係咪受到知否影響。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

而由《延禧攻略》原班人馬打造嘅《皓鑭傳》,有吳謹言同聶遠將再續前緣,劇中吳謹言扮演秦始皇嘅媽媽,聶遠係呂不韋,會係一個非常虐心嘅故事,憑住延禧嘅大熱,相信呢套劇嘅關注度一定唔會低。無線亦即時買咗套劇,香港電視迷都有機會睇到。本來《皓鑭傳》18年4月已經殺青,打算食住個勢喺舊年11月播出,但由於最近知否熱潮太火爆,所以不停改期,到宜家都未知幾時有得播。

吳謹言、章子怡賣佢怕 《皓鑭傳》都要讓路!趙麗穎新劇《知否知否應是綠肥紅

《知否知否應是綠肥紅瘦》宜家喺MyTV Super都有得睇,嚟馬仲有機會上埋翡翠台,雖然趙麗穎喺香港人中人氣並唔算太高,但夫妻檔上陣火花一定唔會少,而且呢套劇播出以後收視一路高企,穩居黃金時段收視第二,(第一通常係央視劇集),所以絕對係今年第一套必睇電視劇。

LOAD MORE