《忘形水》獲13項奧斯卡提名!邊緣人的浪漫故事,要入場看的5大原因

《忘形水》獲13項奧斯卡提名!邊緣人的浪漫故事,要入場看的5大原因

「啊~給我一杯忘情水 換我一生不流淚⋯⋯」《忘形水》呢個戲名改得好怪,但呢套戲就係咁怪,怪得嚟又好睇!

by 二弟

「啊~給我一杯忘情水 換我一生不流淚⋯⋯」《忘形水》呢個戲名改得好怪,但呢套戲就係咁怪,怪得嚟又好睇!講不出聲嘅清潔女工,日復日過住重複乏味嘅生活(咁似講緊我自己嘅),直至發現類似人魚嘅奇怪生物,一刻戀上,語言並唔緊要,愛可以衝破任何界限,加上好好聽嘅配樂,成為近年少有嘅浪漫愛情經典,亦係今屆奧斯卡大熱電影之一,女生點可以唔睇?

#久違嘅浪漫愛情片

the-shape-of-water-sally-hawkins-doug-jones-hug

似乎大家都好耐冇睇到一部純愛電影,浪漫好似同大家距離好遠。睇番今年挑戰奧斯卡嘅電影,《忘形水》絕對係最浪漫最有heart!其中一幕係,人魚男離家出走,結果佢去咗邊?竟然係去戲院睇愛情片,浪漫到呢!

#教你甚麼叫愛

the-shape-of-water-sally-hawkins
the-shape-of-water-doug-jones

老老實實,人魚男造型唔係好靚,但男女主角嘅愛情係衝破晒任何界限。女主角係啞巴,講唔到野,但其實佢講到都冇乜用,人魚男都聽唔明,但反而咁樣大家先用最簡單嘅肢體語言來用心溝通,加上音樂、動作、關懷、一顆對佢好嘅真心,結果排除萬難地相愛。相反,現實中日見夜見嘅情侶,可能面對面食飯都要㩒電話呢。

#好好聽嘅歌同好好睇嘅舞

the-shape-of-water-sally-hawkins

呢部戲好聽又好睇。簡單講,因為冇乜野好講,女主角就想憑歌寄意,所以有唔少好聽嘅音樂同好睇嘅舞步,有啲似舊式黑白歌舞片,就連某啲場面,導演更加請來整個管弦樂團來演奏。當然,唔可以漏咗金像作曲家Alexandre Desplat,呢位法國音樂家向來得獎無數,勁多猛片都搵佢配樂,而今屆金球獎亦順利得到最佳原創音樂嘅殊榮!

#女主角瞓身演出

the-shape-of-water-sally-hawkins-octavia-spencer
the-shape-of-water-sally-hawkins

今次飾演女主角嘅係英國演技派女星Sally Hawkins,拍《快樂小小姐》攞過金球獎影后、《情迷藍茉莉》贏過奧斯卡女配角,亦即係《柏靈頓》入面嘅Mrs.Brown,戲路極闊。今次演出冇特別要聲嘶力竭,扮鬼扮馬,只係扮啞,特登去學手語同埋跳舞,當然仲有全裸露點瞓身演出,用演技談情。

#導演保證

the-shape-of-water-director-guillermo-del-toro
the-shape-of-water-sally-hawkins-guillermo-del-toro-octavia-spencer

執導《忘形水》嘅係墨西哥導演Guillermo del Toro,拍過《天魔特攻》、《魔間迷宮》、《悍戰太平洋》等等,實力不容忽視,而呢部戲已經為佢拎咗金球獎最佳導演同威尼斯影展金獅獎,所以睇佢拍怪物片嘅人魚戀,一樣咁好睇。

LOAD MORE