editing

陪跑定黑馬?數4位有機爆冷港姐佳麗

陪跑定黑馬?數4位有機爆冷港姐佳麗

之前同大家數咗今屆香港小姐嘅大熱,不過往年都有唔少大熱倒灶嘅情況,黑馬除時會爆冷。都係嗰句,今屆港姐論樣真係唔算標青,想搵個好似上幾屆冠軍陳凱琳同馮盈盈咁sharp嘅,真係冇,但係選港姐一向唔止選樣,學歷、家底、臨場表現等等,全部都係拎獎嘅理由。依家就同數幾位隨時有機會爆冷嘅佳麗畀大家!

by 方丈

12號 童銘欣 (Christy)

12號 童銘欣 (Christy)

23歲嘅童銘欣係一個酒店地產分析師,講完完全唔係係做咩嘅,佢喺訪問度就話,即係有地產商或者政府想起酒店,就會搵佢哋分析下回報有幾高,仲話佢間公司喺行內係最出名嘅,代表佢都係叻女嚟,啱晒大台鍾意高學歷嘅標準。

佢就話依份工係佢大學時嘅dream job,依家dream come true喇,就嚟選港姐,咁港姐對佢又有幾dream?

而佢平時去旅行都會擺啲作狀post呃下like咁,用嘅手袋都係名牌居多。

6號 杜愛恩 (Olivia)

6號 杜愛恩 (Olivia)

23歲嘅杜愛恩出身音樂世家,佢嘅職業係作曲家,嗜好係創作交響曲、寫小說、填詞、編曲。雖然未聽/睇到佢嘅作品,但話佢係天才都唔過份,因為佢擁有法律、音樂雙學士學位,三個演奏級,小學四年級就創出出詩歌《我相信》。

 

佢嘅作品曾經拎過澳洲全國青年作曲大賽冠軍,佢嘅作品仲喺悉尼歌劇院播足個半月。

傳媒就讚佢談吐大方同轉數快,不過又叻又得體嘅佢就完全冇拍過拖,仲話將感事交畀神,乖乖女到咁,大台最鍾意依啲。

7號 丁子田 (Sara)

7號 丁子田 (Sara)

24歲嘅7號丁子田職業係藥劑顧問,不過睇佢instagram就好似去旅行多過喺香港,代表咩?非富則貴囉。

而佢姑媽係資深演員丁主惠,提名人係成日都提名人嘅張堅庭,有名人做提名拎獎機會會大好多一向係大台嘅慣例,有家底、有名人提名,直情係冠軍黑馬添呀!

15號 陳苑澄 (Tania)

15號 陳苑澄 (Tania)

23歲嘅陳苑澄之前藝名Nata,係前女子組合As One成員,識唱識跳,仲去過韓國出道,不過捧捧下唔知點解又唔再捧,陳苑澄就一早因個人理由同公司提前解約,之後組合都解散咗。

 

其他成員繼續喺演藝圈努力緊,得佢做番學生,依家就用番真名戰港姐

其實大台畀佢入圍都係為gimmick,製造下話題當宣傳,為咗更有話題性,畀個獎佢都唔出奇,橫掂今屆素質都唔係特別高。

 

LOAD MORE