必看爆笑的一集！《Running Man》宋智孝扮無臉男

最新一集《Running Man》，一眾成員都一齊進行「劉在石與動物們」的「收看年齡宣導」cosplay環節，大家著上唔同嘅Cosplay服，完全扔棄偶像包袱，太爆笑了，呢集絕對係必睇架！

劉在石之前喺遊戲環節中勝出，所以「收看年齡宣導」嘅片頭，就決定用佢擬定嘅劇本《劉在石與動物們》。

劉在石勝出咗，當然以最帥氣一面示人，穿上黑色西裝，扮演國民MC。

金鍾國就化身乖巧貓咪，同佢嘅一身肌肉有好大嘅違和感，他自己就話自己係可愛系嘅波斯貓，粉紅色同白色嘅貓咪裝，頭項仲有粉紅色蝴蝶結，真係好正，但鍾國就非常喜歡呢身造型！

劉在石就讓哈哈變身成鬼片《咒怨》當中嘅俊雄，同哈哈嘅屁孩形象太似了吧！

而李光洙當然要扮返長頸鹿啦，但係係一隻有畏高症嘅三米長頸鹿，著上勁高嘅鞋，令佢行路都行得好唔方便啊！

著上30CM高厚底鞋嘅光洙，移動時要兩個人攙扶佢，場面爆笑。 

女神宋智孝最為爆笑，扮演人氣無臉男，完全係神還原啊！

就連細膽嘅哈哈見到智孝都話：「今日唔好惹佢！」

全昭旻就變成「花羽毛鸚鵡」，劉在石話佢講野無時停，好似鸚鵡咁。

池石鎮係「丐幫長老」。

梁世燦就係「鯰魚」，但係胸前多出兩片扇貝殼，點解呢？原來佢係美人魚嚟嘅。

今集咁爆笑，最岩放工睇，大笑一餐有助減壓啊！