最近TVB劇集《BB來了》收視唔錯，劇情夠貼地好笑，新手爸媽嘅設定成功吸引唔少觀眾。當中角色除了新手爸爸黎諾懿、新手飄忽媽媽兼主理陪月中心嘅李佳芯、惡死奶奶盧宛茵同襯家陳秀珠大鬥法之外，最走漏眼嘅的非高Ling莫屬，講緊嘅唔單止係佢有濕身性感演出，而係佢嘅造型更進一步 貼近電影《恐懼鬥室》木偶Jigsaw!
登入 瀏覽本網站，可獲取積分換領專屬優惠
點擊查看專屬優惠
調酒師造型出事
高Ling飾演嘅Katrina係黎諾懿好友兼同事，黎諾懿係高級餐廳酒吧經理同股東，而高Ling係入面 做調酒師。
高Ling塊面白雪雪，加埋紅唇，仲有露額分界黑短髮，搭配埋煲呔恤衫西褲。係咪好似照住黎襯 呢?咁多年黎網民笑高Ling似足Jigsaw笑左咁多年，唔知劇組係有心定無意呢?
其實早年有主題公園都食住個勢大玩《恐懼鬥室》主題，廣告更搵嚟高海寧以Billy妝化身傳說中 嘅「Saw Ling」現真身。高Ling坦言都知網民講左好耐，而佢本人都唔多介意。
濕身大戰黎諾懿
喺劇入面身為高Ling嘅同事兼好友黎諾懿當然唔少得有少少偷食嘅情節啦，有一幕高Ling喺Bar做 野果陣比人出言侮辱係小三，嬲嬲地冒住雨咁衝左出店。
有眼利網民就話:「成段片重點就係高LING個BAR」，究竟係講緊間Bar定佢濕身透Bra呢?
其中一幕高Ling仲會激咀黎諾懿，雖然網民大叫jigsaw造型趕客，但係高Ling就話呢場落雨戲拍 左足足成8個鐘!
真係有血有淚，難怪可以令《BB來了》第4集已經突破30點，成績相當唔錯。高Ling仲透露媽咪 見到預告有接吻戲，睇得非常肉緊，仲問佢點解要錫人老公，唔知男友鄧智偉睇完又有咩反應呢 ?
終上位首演女一
由高Ling首次擔正女一嘅《婚姻合伙人(前名:抱佣情人)》，喺2017年年中已經拍完。據聞繼 《深宮計》後，呢套將會接住落而唔係《BB來了》。相信電視台想先用《BB來了》試水溫，然後 先播出《婚姻合伙人》。
呢套係時裝愛情喜劇社會民生電視劇，主題以地產做背景。據悉演員名單有楊明、高海寧、黃淑 儀及黃德斌領銜主演，並由陸永、林秀怡、湯洛雯及古明華聯合主演。唔知高Ling除左扮Jigsaw 之外，仲有冇殺手鐧可以吸引到觀眾同網民呢?
立即訂閱接收Cosmo最新潮流資訊
訂閱電子報，獲得更多資訊、體驗及禮遇