news

黃子恆爆粉絲桃色醜聞 盤點娛樂圈令人咬牙切齒賤男

黃子恆爆粉絲桃色醜聞 盤點娛樂圈令人咬牙切齒賤男

無線上位男星黃子恆被爆「食粉絲」仲鬧出搞大肚皮疑雲,後來再被歌手迪子爆出相約開房不遂即爆粗講拜拜嘅衰格行為,火速成全城怒插對象,轉眼更有台灣名導鈕承澤涉性侵工作人員一事,大眾紛紛鬧爆呢兩個娛樂圈賤男,其實多年來都有唔少令人不齒嘅賤男,你又記唔記得佢哋?


王浩信

黃子恆爆粉絲桃色醜聞 盤點娛樂圈令人咬牙切齒賤男

結婚7年嘅視帝王浩信同陳自瑤(YoYo)近年密密傳「分訊」,除咗多次傳出男方成功上位就冷落家庭之外,仲有密密傳緋聞,對象包括黃心穎、江嘉敏同蔡思貝等!

黃子恆爆粉絲桃色醜聞 盤點娛樂圈令人咬牙切齒賤男

而呢段婚姻嘅根基亦唔多穩陣,事因王浩信曾被影到婚前親自接送奀模謝芷蕙(Cammi)到家中短聚5粒鐘,女方事後更頭濕濕又殘爆咁離開現場,偷食指數爆燈,令網民髮指!

黃子恆爆粉絲桃色醜聞 盤點娛樂圈令人咬牙切齒賤男

雖然老公多次被爆疑偷食,但YoYo不時都親身力撐對方。

黃子恆爆粉絲桃色醜聞 盤點娛樂圈令人咬牙切齒賤男

唔知兩人近期傳婚變又係咪因為男方多情出事?

李潤庭

黃子恆爆粉絲桃色醜聞 盤點娛樂圈令人咬牙切齒賤男

呢間可謂近年難以令人忘懷嘅圈中賤男之一,皆因佢唔單止當老婆係傻,仲當埋記者同觀眾都係流嘅一樣!由有線跳到無線成為高層力捧主持嘅李潤庭。

黃子恆爆粉絲桃色醜聞 盤點娛樂圈令人咬牙切齒賤男

前年被影到背住結婚5年嘅空姐老婆,當街與人妻攬咀,情到濃時更出手揸女方籮柚,形象玩完!後來雖曾公開道歉又扮深情想氹番老婆,但轉眼就被記者影到同小三密會,即被大台炒魷,暫時仲未翻身!

周永恒

黃子恆爆粉絲桃色醜聞 盤點娛樂圈令人咬牙切齒賤男

講賤男亦不得不自認人渣嘅世紀賤男周永恒(Roy),佢同與趙頌茹(Yu)結婚4年並育有兩女期間,被揭發偷食模特兒公司拍檔劉依靜(Ruby),更爆出曾無人性家暴老婆。

黃子恆爆粉絲桃色醜聞 盤點娛樂圈令人咬牙切齒賤男

鬧離婚之際更多次發狂,一時爭撫養權搞到踩上Yu娘家,吐口水又用爆粗罵外父外母,一時更恐嚇要殺死妻女及自殺,最後涉刑事恐嚇被捕,醜絕全城!

黃子恆爆粉絲桃色醜聞 盤點娛樂圈令人咬牙切齒賤男

佢同Yu分開後連環撻唔同嘅強國女,今年更被爆準備聚內地女友Britni,唔少網民都有心贈慶:「我真係恭喜係你呀!」

陳浩民

黃子恆爆粉絲桃色醜聞 盤點娛樂圈令人咬牙切齒賤男

講開賤男,陳浩民都相當出名!佢2011年被影到清清楚楚於橫店狼吻陳嘉桓,仲上下其手,當時搞到要臨盆嘅老婆蔣麗莎都要同佢一齊開記招,兩公婆聲淚俱下,男方公開向陳嘉桓道歉,被網民鬧爆咸濕之外,仲無良拖老婆做騷,而且扮死狗戲「演技」浮誇!

魏駿傑

黃子恆爆粉絲桃色醜聞 盤點娛樂圈令人咬牙切齒賤男

係就係耐啲,不過轟動程度都唔講得笑,魏駿傑同滕麗名拍《陀槍師姐》拍出真感情,人人都以為兩個遲早拉埋天窗之際,2007年突然爆出情變。

黃子恆爆粉絲桃色醜聞 盤點娛樂圈令人咬牙切齒賤男

事後男方被爆偷食年輕20年嘅內地女子張利華,翌年更火速結婚生女,令網民大為不齒,指佢浪費滕麗名多年青春!滕麗名後來更爆出男方婚後都曾經求復合,想背妻搞前度,Cheap到植極致!

黃子恆爆粉絲桃色醜聞 盤點娛樂圈令人咬牙切齒賤男

最好笑係張利華前年5月傳出同前港隊單車名將鄧宏業暗中撻著,送頂綠帽畀魏駿傑,網民邊食花友邊笑男方有報應,最後佢仲傳出豪擲1700萬買獨立屋先留得住老婆,「帽事」無事!

梁榮忠

黃子恆爆粉絲桃色醜聞 盤點娛樂圈令人咬牙切齒賤男

另一年代久遠嘅賤男事件就係發生於梁榮忠身上,佢同《刑事偵緝檔案》乖乖女鍾麗淇拍拖多年,點知2005年斷正同無綫女星朱慧敏「車震」,有圖有真相。

黃子恆爆粉絲桃色醜聞 盤點娛樂圈令人咬牙切齒賤男

愛情事業兩得意嘅佢秒速玩完,甩拖之外更加形象插水,由公仔箱轉投DJ工作。

彭順

黃子恆爆粉絲桃色醜聞 盤點娛樂圈令人咬牙切齒賤男

唔止視壇多衰公,影壇都有代表!名導演彭順2014年就於圓方被影到背住影星老婆李心潔,同奀模李悅彤(Liddy) 密會,仲公然做盡熱戀情人嘅行為,拖手啜嘴仲身貼身攬腰!事

黃子恆爆粉絲桃色醜聞 盤點娛樂圈令人咬牙切齒賤男

件曝光後,彭順即飛馬來西亞箍煲,後來竟然獲老婆原諒,兩公婆發聯合聲明,表示「會一起面對挫折」,唔少網民替條件勁好嘅李心潔唔抵!

黃子恆爆粉絲桃色醜聞 盤點娛樂圈令人咬牙切齒賤男

李心潔原諒老公之後,仲為對方生下一對孖仔彭濟雲同彭子然,不時晒放閃及溫情照,力證雨過後有彩虹!

LOAD MORE