feature

李澤楷認戀郭嘉文 舊愛梁洛施如何過? 娛樂圈單親媽媽當自強

李澤楷認戀郭嘉文 舊愛梁洛施如何過? 娛樂圈單親媽媽當自強

超級鑽石筍盤李澤楷自從同梁洛施分手後,轉投情傾25歲香港小姐郭嘉文兩年,最近舊愛李澤楷仲首度公開認愛,可見郭嘉文依然坐穩「楷女郎」寶座 。另一邊廂,梁洛施依舊衣食無憂,雖然是3子之母,但都不愁無拖拍,先後喺法國同加拿大不同地方被影到約會異性。喺去年底梁洛施就被影到同四眼男撐枱腳,仲任由男方連手帶唇錫足33次,相當煙韌! 


娛樂圈 單親媽媽  梁洛施
娛樂圈 單親媽媽  梁洛施

演藝圈當中亦有唔少女星好似Isabella咁雖然情路坎坷,但為咗仔女,佢哋都唔介意母兼父職,扶養自己嘅心肝椗長大,同時亦繼續活得精彩,用行動證明比大家知單身都一樣過得好幸福。

張柏芝

張栢芝

90年代女神張柏芝同謝霆鋒愛得轟烈,但柏芝為霆鋒生下兩個囝囝之後,兩人就喺2012年5月20日向外界宣報離婚,面對老公搵返舊愛王菲、票房毒藥等等嘅負評,佢都一於少理,淨係專心照顧囝囝,盡情把愛投放喺佢哋身上。

張栢芝
張栢芝

羅霖

羅霖

半百美魔女羅霖九六年同富商劉坤銘結婚並育有三子,外界以為她上岸做闊太,直至羅霖稱遭到家暴,而選擇離婚,仲自動放棄一蚊都唔攞。離婚後羅霖,人氣反升,除咗拍出寫真曬身材,羅霖自己仲話有唔少小鮮肉要追佢,要同佢「母子戀」添。

羅霖

黎瑞恩

其實《發誓》一曲同小恩子嘅愛情路,有啲似。皆因2014年小恩子與前夫曾智明離婚後,帶著一對子女重過新生活,因為大女曾凱栭一句鼓勵說話:「媽咪,你唱歌啦,會開心啲。」

思前想後,小恩子決定重返樂壇,並推出HiFi碟。」決定分開後,小恩子有如釋重擔的感覺,脫下戒指更鬆一口氣,仲話「分開未必唔係一件好事,可能喺小朋友嘅角度會有啲遺憾,唔係一個有爸爸媽媽嘅屋企,但如果爸爸媽媽唔夾、唔開心的話,日日見到爸爸媽媽咁樣,其實都影響佢哋長大,即點樣睇男女關係嘅心態,甚至令佢哋有陰影,以為屋企人相處係燶口燶面。」

唐寧

2010年下嫁「舞台劇才子」鄧偉傑,翌年誕下兒子俊俊,2015年再誕一女嗡嗡。原來幸福的背後,Leila和鄧偉傑的婚姻早有裂痕。Leila離婚後,花更多的時間投入做善事,以身體力行教小朋友要有愛心,果然內心如樣子一樣美。

楊思琦

01年香港小姐冠軍楊思琦,16年來經歷人生不同的高低起伏,6年前她選擇做單親媽媽,獨力撫養愛女。

雖然佢生下女兒後不停有好多負面報道,不過佢認為囡囡係上天俾佢最好嘅禮物,相信自己都有能力及可以給予她足夠的愛。思琦背後還有楊媽媽嘅支持,幫佢湊小朋友。雖然經歷高低起跌,但思琦對負面新聞一於少理,只專注於努力賺錢俾囡囡最好嘅生活。

LOAD MORE