鍾欣潼與賴弘國
37歲嘅阿嬌喺上年同細5歲嘅台灣婦科聖手賴弘國爆出姊弟戀。雖然阿嬌情路一直坎坷，但男方在女方生日求婚又跪地送上超大顆鑽戒，阿嬌仲大讚未婚夫好照顧她，值超過一百分！ 據知阿嬌婚期將近，婚宴只邀請至親，一對新人將會在香港及台灣補辦婚宴。
BIGBANG太陽與閔孝琳
29歲韓國天團BIGBANG成員太陽同31歲嘅演員閔孝琳，拍拖4年，喺今年2月拉埋天窗。
閔孝琳更加係太陽嘅初戀，太陽曾經講笑話，「我係母胎SOLO!」意思係自世以嚟都無拍過拖。太陽自細做練習生，出道後又忙，根本無時間拍拖。
同孝琳拍拖之後，太陽更加鍚到佢燶。唔止被影到幫女友綁鞋帶。成員勝利更曾經爆料話太陽嘅心情簡直畀孝琳控制住，係標準嘅女友傻瓜!
賈靜雯與修杰楷
43歲嘅賈靜雯曾經歷過一段錐心嘅失敗婚姻，但上天見憐，讓她遇上一個超級好男人──比佢足足細9歲嘅修杰楷，將佢捧喺手心鍚住。
2015年賈靜雯帶着與前夫所生的女兒，下嫁修杰楷，先後生下女兒咘咘和Bo妞。
有老公嘅愛同幸福家庭嘅滋養，難怪賈靜雯依然容光煥發，呢啲大概就是所謂嘅「嫁給愛情」吧。
楊怡與羅仲謙
38歲嘅楊怡同33歲嘅羅仲謙喺2011年拍攝無綫劇集《On Call 36小時》而結緣，相差5歲嘅兩人於翌年譜出姊弟戀，謙謙更在得獎時多謝女方，令戀情浮面！
2016年，二人喺英國秘密註冊結婚，並將於同年10月2日在香港擺酒。婚後兩人不時在Instagram上傳甜蜜的生活照，「廿四孝老公」謙謙嘅Instagram上更只關注老婆一人，彷彿在宣告自己心裏只有老婆一個呀!
