【奧斯卡電影前瞻】 女生要睇《廣告牌殺人事件》的4大理由
女主角Frances McDormand教你憤怒只會招來更多憤怒

姊妹們好應該睇下,有好幾個原因,除咗可以實現到你嘅幻想,仲可以學識點樣作為弱者嘅時候,點樣反擊!加上呢套戲得獎無數,電影橋段大快人心,唔睇冇話題,女生必睇!

by 二弟

呢個戲名,相對有嫌疑,又殺人又事件,睇嚟唔會好睇。不過,我二弟睇完之後,覺得姊妹們好應該睇下,有好幾個原因,除咗可以實現到你嘅幻想,仲可以學識點樣作為弱者嘅時候,點樣反擊!加上呢套戲得獎無數,電影橋段大快人心,唔睇冇話題,女生必睇!

#得獎無數

three-billboards-oscar

呢套戲本身好睇,但我講可能冇乜說服力,不如睇下專業人士嘅意見。好似之前嘅金球獎咁,《廣告牌》有6項提名,4項得獎,最佳電影(劇情片)、最佳女主角(劇情片類別)、最佳男配角、最佳劇本,個個都係大獎,今年唔睇呢套,可惜之餘,仲會無話題。

#學下女主角點樣反擊

mildred_hayes_family_frances_mcdormand
three-billboards-oscar

出爐影后Frances McDormand飾演嘅女主角,好慘,佢個角色叫米德烈太太,女兒不幸被姦殺,等咗大半年,警察都話查唔到,於是佢一個冇乜錢嘅女人仔,諗咗條橋,點樣唔犯法得嚟,又可以向警方出番啖氣,而且仲可以引起全個小鎮,甚至鎮外嘅人嘅注意,雖然之後事件一發不可收拾,但過程中學下女主角點樣反擊,點樣對抗無理既男人同強權,一定要睇!

#要知廣告牌寫乜

three-billboards-oscar

普通廣告牌,來來去去都係啲靚相,或者係乜野廣告tagline,之但係女主角諗到用3塊廣告牌嚟抗議,甚至引出「廣告牌殺人事件」,究竟果3塊係何方神聖,寫咗乜野咁鬼勁?冇犯法之餘,又可以到題,仲引到全鎮關注?所以一定要入場睇下廣告牌寫乜先。

#實現你嘅幻想

three-billboards-oscar

老老實實,香港絕對冇可能發生呢套戲嘅電影橋段。你知啦,港鐵呀、紅隧口呀,果啲廣告牌稍為敏感少少,性感少少,都第一時間ban咗你啦,所以香港人只有幻想。喺而家嘅香港,真係有得諗下都唔錯喇,第時思想教育,諗都冇得你諗,睇都冇得你睇,你就慘喇,襯住有得睇嘅時候就睇多啲啦。

#大快人心

three-billboards-oscar
three-billboards-oscar

又一樣好老實嘅事,而家社會成日都講大愛包容,問題係,愈大愛愈包容,結果都係自己受害,有時諗下以暴易暴,以牙還牙都唔錯,當然現實中冇可能發生啦,但呢套戲就做到喇,例如牙醫想鑽爆你隻牙,你鑽番佢隻手指甲,又或者火燒差館,下下都大快人心。如果想開心,為甚麼需要等?因為犯法係唔啱嘅,大人細路千祈唔好模仿,睇戲開心下就好喇!

#主角一個靚仔都冇,但口碑超好

three-billboards-oscar
mildred_hayes_frances_mcdormand_three_billboards

冇錯,《廣告牌》呢套戲真係一個靚仔都冇。如果你即刻落閘嘅話,即刻代表你冇深度。電影讚口碑,在多倫多國際電影節贏了觀眾票選大獎。當你肯睇一套連一個靚仔都冇嘅戲,男人即刻會對你刮目相看啦,係咪?

LOAD MORE