梁朝偉一笑便令全世界定格！回味王家衛電影男神5大經典畫面
影帝梁朝偉同王家衛嘅「澤東電影」合作多年，上年王家衛曾發表聲明，宣布同偉仔約滿結束合 作關係，仲話：「多年前有一位朋友把梁朝偉託付給我們，多年之後我們把梁先生完美地交還給 她。」暗示而家梁朝偉嘅經紀合約已經回歸劉嘉玲所有。其實除左嘉玲，仲有好多女Fans都想將 佢私有化架！一齊回味吓呢對電眼喺王家衛鏡頭下嘅5大殺死人Moment！
1. 著白色底底熨衫（重慶森林）
冇錯！佢唔只唔係靠對眼！喺《重慶森林》入面，偉仔因為同周嘉玲飾演嘅空姐女友分左手，開始 將對佢嘅思念放喺D死物到，好多場景佢喺屋企都淨係著住條白色底底。
望住佢件制服：「冇見幾日啫，都唔駛咁巢架，等我比D溫暖你丫。」鏡頭一cut原來係幫佢熨衫 ！小編都想佢比D溫暖我呀！
2. 幫王菲按腳（重慶森林）
喺《重慶森林》入面，當然唔少得天后王菲啦！王菲飾演嘅士多打雜好鐘意趁偉仔當更鼠入佢屋企 幫佢做家務，點知有次比偉仔斷正，王菲仲嚇到抽筋添！
偉仔反而二話不說幫佢按腳，望住偉仔著住制服咁貼心咁幫你按腳，難怪天后都要攬住個cushion 咁小鹿亂撞啦！
3. 對錄音機啜泣（春光乍洩）
偉仔除左殺死唔少女Fans，連男Fans都唔放過！喺《春光乍洩》入面，飾演男同志嘅偉仔同哥哥 張國榮飾演嘅何寶榮分左手，初相識嘅張震見佢咁sad，叫佢將所有唔開心都放晒喺錄音機入面。 但偉仔喊到咩都講唔到！睇住對電眼有D淚水喺度啷吓啷吓，我諗男同女Fans都好想喊！
「我答應阿輝把他的不開心留在這裏，我不知道那天晚上他講過什麼，可能是錄音機壞了，什麼聲 音都沒有，只有兩聲很奇怪的聲音，好象一個人在哭。」張震應承左會帶段錄音到世界盡頭，呢段 睇到小編心都噏埋......
4. 吳哥窟-對樹窿「咬耳仔」（花樣年華）
除左偉仔殺死人之外，其實王家衛都鐘意謀殺架！講緊係菲林，因為佢出名鐘意剪走唔少鏡頭，就 好似《花樣年華》，其實被剪走左一段鮮為人知嘅結局，就係周慕雲同蘇麗珍喺柬埔寨吳哥窟重逢 ，最後佢帶住憂鬱嘅眼神，唏噓嘅鬚根對住機窿講左個秘密。冇人知講左咩架，但睇到人好想做個 樹窿咁囉！
小編覺得呢幾鏡wideshot其實仲攞命過偉仔個close up架，果浸寂莫味隔住個mon都閒到！而因為 呢一幕實在太經典，所以吸引到唔少遊客去果度朝聖添！
5. 激咀鞏俐（2046）
講左咁多柔情Moment，最後緊係要講吓偉仔激情嘅一面啦！喺李安嘅《色，戒》之前，要數床上 戲，王家衛嘅《2046》可以話係偉仔最多床上戲嘅一部，除左同章子怡床上激戰，小編反而最鐘意 佢同鞏俐激吻果一幕，喺《2046》鞏俐無獨有偶都係叫蘇麗珍，最後偉仔對張曼玉抑壓多年嘅思念 發洩晒落鞏俐到，咀左足足成分鐘架！
5. 激咀鞏俐（2046）
最後兩個錫到個頭亂晒，仲咀都歪埋添！「如果有日你可以放低到過去，記得番黎搵我。」 如果小編係佢，咩過去都想即刻放低晒啦！
