大人細路都咁鍾意嘅《反斗奇兵》（Toy Story）動畫系列唔經唔覺已經嚟到第四輯！ 《反斗奇兵》（Toy Story4）將於明年6月同大家見面，日前！距離上一集反斗奇兵3已經過去8年，其實第4集原本計畫喺今年就同可以大家見面，但因為原導演身陷醜聞而辭職，導致上映計畫不斷延後。時至今日，呢部耗時3年製作而成嘅動畫終於定檔，真係釣足fans癮呀。
登入 瀏覽本網站，可獲取積分換領專屬優惠
點擊查看專屬優惠
曾經獲得2011年奧斯卡金像獎最佳長片動畫以及入圍奧斯卡最佳影片嘅《反斗奇兵3》（Toy Story 3 ），一度被認為係《反斗奇兵》系列嘅最終章。2014年，PIXAR動畫製作室宣佈將籌備反斗奇兵嘅第四集時都惹嚟唔少爭議。
《反斗奇兵3》 中，17歲嘅安仔（Andy）馬上要離開屋企去讀大學，而因為誤會，成班玩具以為小主人拋棄咗自己，後來誤會解除，胡迪（Woody）就同佢班老友冒險返去主人身邊。
《反斗奇兵3》（Toy Story3） 除咗必不可少嘅搞笑元素之外，仲非常熱血，催淚，想當年無數觀眾睇完都喊到傻。之後仲橫掃各大頒獎禮，可以話係由1995年開始《反斗奇兵》（Toy Story）系列入面最經典嘅一集。所以大家都覺得反斗奇兵呢個系列到此為止就已經好完美喇。
不過原來故事仲係未完！2014年PIXAR同Disney宣佈籌備《反斗奇兵》（Toy Story）新一輯《反斗奇兵4》（Toy Story4）。一直只聞樓梯響， 直到4年後的2018年，日前PIXAR才發布電影嘅第一條先行預告片，片頭胡迪同巴斯光年，仲一班老友柴娃娃手拖手，相當開心。
《反斗奇兵4》預告片1
喺眾多觀眾熟悉嘅臉孔之中，仲加入咗一個新成員，據說呢名成員叫Forky，人如其名外表好似係一隻叉咁，傻得嚟又帶點可愛。
預告片中Forky好唔鍾意呢個玩具大家庭，仲狂嗌自己唔係玩具，搞到其他人亂嗮龍。照計Forky係餐具唔係玩具，點解會混咗入玩具度嘅呢？而且佢好似俾人加工過，多咗手手腳腳，詳細真係要等電影幫大家解畫喇。
《反斗奇兵4》預告片2
其實除了Forky次外，今集還有另外兩個新角色！分別是Ducky同Bunny，佢地都係嘉年華的獎品毛毛公仔，在其後的預告片也有曝光。
據說《反斗奇兵4》（Toy Story4）將會俾前三集更加催淚，而胡迪（Woody）嘅配音演員Tom Hanks之前都有透露話幫《反斗奇兵4》（Toy Story4）配音內心並唔好受，配最後一幕嘅時候仲差啲冇辦法完成工作。佢話自己配音嘅時候仲一度無法直視其他工作人員，可見劇情真係好虐心呀。
《反斗奇兵3》（Toy Story3）已經夠催淚，《反斗奇兵4》（Toy Story4）會更加傷心？而且仲有機會係Sad Ending？呢個消息一出反斗fans更加驚啦，會唔會好似復聯咁搞個全員毀滅？睇返預告海報，胡迪手握帽簷，深情回望，表情似乎有啲凝重。好似有告別嘅感覺。
宜家多咗手機iPad，小朋友都已經少咗玩玩具，更何況係大個仔嘅安仔（Andy），唔知胡迪（Woody）佢哋係咪都打算喺《反斗奇兵4》（Toy Story4）同大家講再見呢？
立即訂閱接收Cosmo最新潮流資訊
訂閱電子報，獲得更多資訊、體驗及禮遇