feature

高圓圓終於有喜!趙又廷被封絕種好男人 寵妻全靠呢3招

高圓圓終於有喜!趙又廷被封絕種好男人 寵妻全靠呢3招

趙又廷高圓圓結婚5年,喺4月8號宣佈終於有喜,高圓圓班宅男粉絲眼紅心酸之餘,都不得不承認女神真係揾到一個好歸宿。喺現時各種出軌,偷食,夫妻反目嘅新聞滿天飛嘅時候,好多人已經會覺得娛樂圈嘅結婚只係奉子成婚或者利益嘅結合,不過呢對相差5歲嘅姊弟戀用事實話俾大家知,真愛依然係存在嘅,請大家繼續相信愛情呀!

By COSMO

真愛依然係存在!絕種好男人趙又廷寵高圓圓靠3招

▲宣佈愛妻懷孕之後趙又廷開心現身機場。

趙又廷高圓圓越愛越甜蜜,早前仲開心同大家分享喺圓圓40歲之際成功陀B嘅喜訊。回顧呢一對嘅愛情路,其實都唔係大家想象中嘅咁簡單。高圓圓雖然係內地一代女神,但一直緋聞纏身,畢竟美女人見人愛。

真愛依然係存在!絕種好男人趙又廷寵高圓圓靠呢3招

但有兩段戀情高圓圓都係做咗疑似介入人哋關係中嘅小三,包括佢同張亞東同夏雨傳出緋聞嘅時候,對方都已經有女朋友。所以圓圓一邊有好多宅男fans,不過同時都有唔少網民唔多like佢。所以圓圓同趙又廷傳出戀愛之後,兩人要承擔嘅壓力比一般明星戀人都要大。事關有fans葡萄話趙又廷配唔起圓圓,同時又人話圓圓唔會安心同趙又廷喺一起,總之外界普遍就喺唔睇好。

真愛依然係存在!絕種好男人趙又廷寵高圓圓靠3招

▲高圓圓係內地神級美女。

當時趙又廷仲未喺內地正式走紅,雖然喺台灣已經頗有名氣,不過內地人更多係認為佢配唔上京城第一美女。但趙又廷點會咁容易向外界屈服呢,兩人因為拍電影「搜索」認識,相愛,之後順利成章結婚生B,趙又廷維繫愛情的方法其實好簡單。

 

第一招:陪伴俾足安全感

第一招:陪伴俾足安全感

談戀愛俾足夠嘅安全感對方好重要。尤其係兩人都係演員,藝人,為咗拍劇拍戲周圍飛。趙又廷同高圓圓結婚之後,就叫圓圓淡出幕前,安心喺屋企做小嬌妻備孕。而趙又廷喺北京,台北都有購置物業,工作完咗就馬上飛返屋企陪老婆,唔會令老婆獨守空房太耐。足夠時間嘅陪伴當然會帶俾另一半更多安全感。

真愛依然係存在!絕種好男人趙又廷寵高圓圓靠3招

而且雖然圈中美女如雲,但趙又廷哪怕對住楊冪呢種大美女時,依然目不轉睛,坐懷不亂,更表示除了圓圓其他人喺佢心中都係男人。老公咁講老婆當然分外放心。

 

第二招:公開戀情不避嫌

第二招:公開戀情不避嫌

趙又廷同高圓圓從談戀愛到結婚從來都係大大方方唔怕俾人發現。早喺拍「搜索」嘅時候,從電影嘅紀錄片中可以睇到兩人已經互生情愫,趙又廷更毫不避嫌咁喺鏡頭面前對圓圓讚賞有加,仲耍花槍叫圓圓送佢返屋企。

 

真愛依然係存在!絕種好男人趙又廷寵高圓圓靠3招

兩人戀愛初期唔少人都話趙又廷配唔上高圓圓,但趙又廷冇自卑冇膽怯依然勇敢追愛。到「三生三世十里桃花」播出後大熱,趙又廷用演技折服觀眾,好多fans又嫌棄圓圓年紀大,趙又廷有更好嘅選擇。但趙又廷當然高調護妻,大方示愛。直接表示圓圓就係此生唯一。

 

真愛依然係存在!絕種好男人趙又廷寵高圓圓靠3招

▲趙又廷從來唔怕高調示愛。

好多藝人拍拖嘅時候喺街上都好怕被媒體影到,但唯獨趙又廷高圓圓從來都係大大方方,見到鏡頭仲會微微一笑。甚至被影到喺機場擁吻嘅一幕。大方公開戀愛其實代表佢哋呢段關係好有自信,所以fans對佢哋嘅好感度都一直up up up。

 

真愛依然係存在!絕種好男人趙又廷寵高圓圓靠3招

▲兩人私底下被影到都係大方面對鏡頭。

 

第三招:努力工作有上進心

真愛依然係存在!絕種好男人趙又廷寵高圓圓靠3招

男人無論幾愛錫另一半,冇上進心同事業心始終都唔令對方真正感到滿意。趙又廷拍「痞子英雄」嘅時候圓圓已經係紅遍兩岸嘅絕色美女。喺一片「你唔配」嘅聲音中,趙又廷努力工作,用演技同實力為自己大嚮名堂,「三生三世十里桃花」中嘅夜華雖然造型好醜,但趙又廷嘅演繹被網民大讚係「整容式演技」。

 

真愛依然係存在!絕種好男人趙又廷寵高圓圓靠3招

▲趙又廷嘅夜華造型一開始俾fans鬧爆話醜,不過演技令fans心服口服。

 

真愛依然係存在!絕種好男人趙又廷寵高圓圓靠3招

▲「深夜食堂」中嘅聾啞人更堪稱全劇唯一亮點。

 之後佢喺「深夜食堂」中嘅聾啞人馬克飆淚演技令觀眾折服。敬業嘅佢去到南極拍戲都一樣堅持每一場戲親身上陣…就算因為雪盲令眼睛再都唔可以直視強光佢都一樣堅持拍完。終於憑住努力成功躋身內地一線演員,甚至超越咗老婆嘅成績。有個願意為自己努力拼搏事業嘅老公,圓圓當然更安心將自己託付俾對方。

LOAD MORE