大台小花唔嫌多 余思霆要上位有冇機？

近年大台花旦買少見少，紅得起嘅都北望神州搵人仔，姐仔缺貨，唯有搵選美佳麗補位。 仲記得2017年度國際中華小姐冠軍余思霆嗎？對個名未必有印象，不過都應該記得佢喺競選中扮自由神像同表演花式滾軸溜冰出晒位。余思霆簽約TVB做藝員，新手上場已獲器重。下個上位小花可能就係佢！

劇集 旅遊節目有佢份

除獲派參演陳煒、黃智賢擔正的新劇《好日子》之外，余思霆早前更有機會孖住港姐冠軍陳凱琳、咪神界代表陳芷尤同陳婉衡等赴新加坡拍攝旅遊特輯。論外貌、身材都不遜於幾位美女拍檔，噴血泳裝Look引死一眾宅男，外界對余思霆的關注度亦隨之急增。

圈中人緣廣有助發展

獨贏台慶大獎成全場焦點

台慶係大台每年重頭戲之一，全城關注。當晚以一身紅噹噹長裙示人嘅余思霆寧舍旺過人，喺大抽獎環節中獨贏百萬獎金獎品。行正財運嘅佢，今年嘅事業運係咪都一樣咁順暢呢？

鬼妹仔愛MKPOP

提起MKPOP，大家一定諗起早幾年出道嘅男子組合天堂鳥。余思霆去年初曾經被傳媒影到佢同組合成員Tyrese 喺街頭拖手兼咀嘴，不過之後就再出現有關佢地嘅新聞，不過IG仍然都會見到佢地同朋友嘅合照，唔排除佢地係想保持低調搞地下情以免影響事業。