editing

前方萌娃出沒注意!《爸爸去哪兒6》楊爍子女可愛爆燈,有望成為人氣王!

前方萌娃出沒注意!《爸爸去哪兒6》楊爍子女可愛爆燈,有望成為人氣王!

《爸爸去哪兒》第六季開播在即,陳小春同兒子Jasper絕對係現時最受關注嘅家庭!但原來仲有好多可愛嘅小朋友都好值得觀眾追看,比如楊爍同佢嘅一對仔女,相信節目一播出一定吸粉無數呀!

by COSMO

內地人氣綜藝節目,《爸爸去哪兒》一眾活潑可愛嘅小朋友,再加上同明星爸爸之間有愛嘅互動受到大家喜愛。現時第六季開播在即,早前一班寶寶同佢哋嘅爸爸遠赴西藏錄節目,網上仲不時流出佢哋遊玩嘅相片,真係睇到觀眾心癢癢,迫不及待想見到佢哋呀!

Jasper和陳小春去西藏拍節目,應采兒嘅父母都有同行,Jasper同小春一落機就有高山症反應,要馬上吸氧氣。

《爸爸去哪兒》試過有兩個家庭都係爸爸帶住兩個小朋友上節目,佢哋分別係第二季曹格同兒子Joe,女兒Grace,第五季有吳尊同女兒Nei Nei,兒子Max,兄弟姐妹之間嘅有愛互動都係節目看點之一!第六季都有呢種家庭加入到節目中,佢哋就係楊爍同兒子小毛驢,女兒小湯圓!

楊爍係內地實力派男演員,1983年生,黑龍江人,演過大熱電視劇《歡樂頌》,佢嘅太太係比佢細三歲嘅重慶女演員王黎雯,兩公婆都係身材高挑,外貌出眾嘅帥哥美女,可想而知基因有幾強大。

楊爍同老婆之間嘅戀情比較低調,之前楊爍憑住《歡樂頌》走紅,老婆同仔女先慢慢浮出水面,原來佢太太仲係未婚先孕。

楊爍喺5月20號嘅大陸520情人節(520國語音與我愛你相近)向太太表白,話欠對方一個婚禮,王黎雯都豪氣轉發話“走,領證去!” 未正式結婚都願意為對方生兒育女,果然真愛都係唔注重名分。

太太生日當然要送花,夠貼心!

楊爍同太太有兩個小朋友,7歲嘅大仔小毛驢生得同媽媽一個餅印,係靚仔一名。

 

囡囡就係個小美女

有其父必有其子,小毛驢唔單只靚仔仲好貼心,成日有窩心舉動好識冧媽咪,識幫媽咪幫鞋帶,以後絕對迷倒萬千少女。

 

囝囝似媽媽,囡囡就似爸爸,楊爍女兒小湯圓眉頭眼額都好似佢,仲有一頭捲髮,簡直就係一個洋娃娃,超級得意。

早前媽媽仲同兩個萌娃一齊為雜誌影相,兩個寶寶都好識得擺pose,一啲都唔輸比媽媽。

小毛驢仲有大長腿,以後可以考慮入行。

之前陳小春接受訪問時仲大讚小毛驢又識背唐詩又識跳街舞,相當叻仔!相信觀眾聽到更加想快啲見到佢哋喇!

LOAD MORE