青春！係青春啊！ TVB終於再推出青春偶像劇喇！最近熱播嘅《救妻同學會》擺正喺台慶月播，雖然就唔係星期一至五兩線台慶劇嘅黃金時段，但就被唔少網友叫佢做「隱藏版台慶劇」。話哂TVB都好多年無呢類劇種，所以好多人都睇高一線。尤其今次有10大主角，5男5女，個個都係上緊位、升緊呢嘅後生演員，人氣自然夠哂勁。劇情唔係最重點，你懂的～重點梗係要嚟起下5大男主角嘅底啦！
登入 瀏覽本網站，可獲取積分換領專屬優惠
點擊查看專屬優惠
《救妻同學會》五位新晉：胡鴻鈞、李任燊、譚永浩、黃庭鋒及伍富橋。 （左起）
1.胡鴻鈞
2010年《超級巨聲2》亞軍嘅Hubert推出過5張大碟，好歌喉就係人都知嫁喇！不過佢唔止唱得，仲好演得。
無咩拍劇經驗嘅佢舊年憑住《降魔的》入面石敢當一角成功踩過界做演員，仲令佢成功入圍「2018亞洲電視大獎」嘅「最
佳男配角」候選名單，認真叻仔啊！
今次喺《救妻》，佢唔單止可以延續《降魔的》同劉佩玥嘅緣份做一對，仲係佢首次擔正做男主角添！
千祈唔好以為Hubert掛住拍劇就忘記佢嘅歌唱事業啊！《救妻》嘅片尾曲《太難開始》就係由佢親自打造，記得聽埋先啊！
2.伍富橋
Alvin同樣都係《巨聲》出身，不過就係第四季。入咗行後初頭主力喺TVB娛樂新聞台做主播，2016年就簽約星夢，成為Hubert嘅同門師弟。
佢仲有份為《救妻》獻唱插曲《重覆愛一次》，等大家有得睇佢嘅演戲之餘仲有得欣賞佢嘅歌藝。
咪睇Alvin白白淨淨成個書生咁啊，其實佢不知幾咁熱愛運動，仲不時喺ig po佢去做gym嘅相大騷強勁肌肉，絕對有姿藝有實際！
3.黃庭鋒
兩年前加入TVB嘅庭鋒，主力做體育節目，所以對好多觀眾嚟講都有少少陌生。
但一講到佢係今年喺「萬千星輝賀台慶」中奪得壓軸大獎51萬嘅得主，大家可能即時記得佢喇！
高大靚仔唔在講，連學歷都嚇死人，半工半讀成功完成中文大學嘅「體育文學碩士」課程。
一班《救妻》嘅好拍檔，好似胡鴻鈞、朱智賢、劉溫馨等等仲專登出席佢嘅畢業禮添！
4.譚永浩
講起TVB嘅青春偶像劇，必定唔少得「四葉草系到」喇！2004年只得16歲嘅Jarryd原來都有份參演劇集《赤沙印記@四葉草.2》，之後仲拎埋英皇新秀冠軍。
但不過呢幾年Jarryd有份參演唔少大熱劇集，好似係《翻生武林》、《逆緣》、《特技人》等。
最近更加喺《是咁的，法官閣下》中演後生版關禮傑，演技有番咁上下。
今次喺《救妻》入面，將會同由劉溫馨飾演嘅腐女有感情線，絕對有唔少發揮。
5. 李任燊
《救妻》係Kyle第一部TVB劇集，對觀眾嚟講零舍有新鮮感啊！佢喺2011年參加一個大專校花校草比賽，成功贏得校草冠軍。
入行後佢主力拍電影，今年年頭上映由鄧麗欣主演嘅港產片《藍天白雲》都有佢份，仲係擔任男主角做女神Stephy嘅老公，演技獲得唔少好評。
今次《救妻》搵佢呢個外援，相信應該可以吸引多D唔同觀眾好睇喇！
立即訂閱接收Cosmo最新潮流資訊
訂閱電子報，獲得更多資訊、體驗及禮遇