青春！係青春啊！ TVB終於再推出青春偶像劇喇！最近熱播嘅《救妻同學會》擺正喺台慶月播，雖然就唔係星期一至五兩線台慶劇嘅黃金時段，但就被唔少網友叫佢做「隱藏版台慶劇」。話哂TVB都好多年無呢類劇種，所以好多人都睇高一線。尤其今次有10大主角，5男5女，個個都係上緊位、升緊呢嘅後生演員，人氣自然夠哂勁。劇情唔係最重點，你懂的～重點梗係要嚟起下5大女主角嘅底啦！
登入 瀏覽本網站，可獲取積分換領專屬優惠
點擊查看專屬優惠
《救妻同學會》五位小花分別有蔚雨芯、黃美棋、劉佩玥、朱智賢及劉溫馨。
1.劉佩玥
2013年香港小姐季軍得主，憑住佢甜到漏嘅笑容由參選果陣已經係唔少人嘅心水之選。入行5年，阿Moon獲得唔少機會拍劇，舊年更加憑住《降魔的》啤啤一角成功入屋。
劇中佢同胡鴻鈞飾演嘅石敢當未能開花結果，當時唔少觀眾都大嗌可惜。
今次喺《救妻》中佢地終於收成正果做到兩公婆，令唔少粉絲都不知幾期待啊。
除咗拍劇，綜藝節目一樣有佢份，好似佢之前就同好姊妹陳瀅一齊去俄羅斯拍皇牌旅遊節目《3日2夜》，喺冰天雪地下都照著靚靚晚裝，無懼低溫性感上陣，夠哂專業啊！
2.朱智賢
同樣都係2013年港姐出身，不過朱朱去到20強就止步喇。
雖然落選，但口才了得嘅佢被睇中成為TVB娛樂新聞台主持，訪問過唔少巨星，而家仲晚晚7點半同大家一齊《東張西望》添！
主持功力自然有番咁上下啦，之不過講起朱朱，就真係不得不提佢個朵「TVB新咪神」喇！
想當年佢喺旅遊節目《3日2夜》大騷弗爆身材，兼騷埋43吋長腿，令佢即時榮升女神級人馬，毫無懸念啊！
3.劉溫馨
又係2013年港姐出身（呢一屆港姐質素高啊～）。Virginia當年參選時係大熱，仲被稱為「翻版朱千雪」，最後獲得第四名兼「最上鏡小姐」。
咁多年嚟參演過好多人氣劇集，好似係《親親我好媽》、《踩過界》、《宮心計2深宮計》等等。
今次喺《救妻》入面，佢有個爆炸頭造型，同佢以往喺劇集出演嘅長髮美女形象完全唔同，絕對令人眼前一亮啊！
4.蔚雨芯
今年先25歲嘅Rainky，係5位女主角入面年紀最細，認真係青春無敵。
無敵嘅仲有佢嘅好身材，仲有埋「魔鬼胸」呢個稱號添！Rainky唱過歌又拍過戲嘅，現時歌影視三棲發展，誓要成為全方位藝人。
自14年加入TVB後，拍過嘅劇唔算太多，今次喺《救妻》入面挑戰演神婆，為咗角色仲走去學玩塔羅牌，務求帶俾觀眾新鮮感啊！
5.黃美棋
5個入面要數拍劇經驗最豐富嘅一個，一定非美棋BB莫屬喇！
6歲就入行做童星，數下手指，佢都未夠30歲就已經拍落超過60部作品喇！（
早排先掀起深夜煲劇熱潮嘅《刑事偵緝檔案》佢都有份參演，劇中扮演郭可盈嘅外甥女棠棠，幾咁卡娃依呢啊！
天生擁有住一張baby face嘅美棋BB，今次喺《救妻》入面扮大學生依然毫無違和感，好pure好true啊！
立即訂閱接收Cosmo最新潮流資訊
訂閱電子報，獲得更多資訊、體驗及禮遇