正所謂一物治一物，夫妻之間嘅相處除咗要兩情相悅之外，好多時候反而係惺惺相識，越鬧越恩愛。點解咁講？睇下圈中公認嘅恩愛夫妻陳小春同應采兒就知道啦。結婚8年，兩公婆經歷過七年之癢越愛越甜蜜，仲時不時全家出動揾真銀，喺屏幕前同大家放閃，呢個簡直就係放閃嘅最高境界！
登入 瀏覽本網站，可獲取積分換領專屬優惠
點擊查看專屬優惠
應采兒自爆佢同陳小春嗰啲夫妻瑣事簡直毫無保留，佢成日上節目講佢點同陳小春相處，簡單嚟講就係，你惡？我仲惡過你。
佢話自己曾經打喊過陳小春，大家都知道山雞哥脾氣火爆，成日都擺住副chock樣，真係冇幾多個女仔能夠消受，點知應采兒一啲都唔驚。
應采兒仲成日學小春發嬲個樣，超級搞笑架，小春都冇佢符呀！娶咗個老婆應采兒仲惡過佢。自己揀嘅老婆，喊住都要同佢過世啊！
有其女必有其父，小春個外父外母都係搞笑底。應采兒自爆小春第一次去佢屋企拜見外父外女，仲叫應采兒老竇“叔叔”，點知俾應采兒老竇窒返佢，話“我先大你6歲，你唔好叫我叔叔！”小春即時投嗮降啊！應采兒呢招劍走偏鋒嘅馭夫術真係唔係個個都咁啱用，或者唔係個個男人都好似陳小春咁鐘意你打喊佢，但係對於嗲功，就真係冇幾個男人可以抵擋得住啦。
大S就係用嗲功嚟收服富二代老公汪小菲。喺佢同老公合拍嘅綜藝中，大S真身示範俾大家睇咩叫撒嬌的女人最好命，無時無刻唔係喺度同老公撒嬌！
成日黏實汪小菲，再加上楚楚可憐嘅樣，同甜到漏嘅一聲“老公”，試問汪小菲點招架得住？大S仲有一招剝蝦論，講緊嘅就係大S一定要老公剝蝦俾佢先會食，佢係唔會自己剝蝦嘅。真係夠嗮矜貴，但係汪小菲非常受落，仲表示非常願意幫老婆剝蝦。
汪小菲仲喺微博同網友爭論，反駁網友嘅質疑。錫老婆嘅男人好似好多，但係錫老公嘅老婆點解好似冇幾個嘅？No... 內地演員郭曉東同佢太太程莉莎就正正相反。程莉莎喺節目上同應采兒大講自己嘅戀愛經歷同婚姻觀，聽到應采兒都嚇一跳！
郭曉東同程莉莎都係演員，郭曉東有名嘅作品唔多，幾年前參加《真正男子漢》呢個綜藝，佢跟住一般演員一齊體驗軍中生活，獲網民大讚佢夠嗮有男人味。
程莉莎性格浪漫，溫柔，當初同郭曉東拍拖分分合合好多次，程莉莎始終最愛嘅都係郭曉東，佢結婚之後對老公百依百順，一切以老公為主，連婚禮都係按照老公嘅意思搞。
唔知係咪太太程莉莎都睇啱佢呢點，程莉莎喺節目中同應采兒毫不掩飾對老公嘅愛慕，直言老公第一，兒子第二。
程莉莎出身城市小康之家，郭曉東就係個窮小子，但程莉莎唔單只毫不介意，仲覺得要維護老公自尊心。其實試問有幾多個女仔可以接受呢種婚禮。所以連應采兒都甘拜下風！係咩令佢為老公咁大犧牲？係愛呀！
愛情呢啲嘢如果可以用道理解釋得通就唔係愛啦。應采兒，大S，程莉莎，佢地嘅婚姻就真係應嗮嗰句老話，如人飲水冷暖自知呀。
立即訂閱接收Cosmo最新潮流資訊
訂閱電子報，獲得更多資訊、體驗及禮遇