【最美星二代】沈月小性感現身時裝周！網民：「仲靚過邱淑貞！」

「星二代」於近年都成為大家嘅討論熱話，昔日男神女神嘅小朋友都漸漸長大，仲完美遺傳咗爸爸媽媽嘅強大基因！先有木村光希同任晴佳以天使面孔同44吋長腿成為網民熱話。邱淑貞嘅囡囡沈月都唔輸蝕，近日佢以小性感裝束現身倫敦時裝周，成功成為鏡頭焦點，網民更加話：「仲靚過邱淑貞！」

令網民熱烈討論就係呢一張相，除咗極似媽媽邱淑貞之外，甜美笑容加上跌膊冷衫真係超吸睛同Girlfrienable。小編都分唔到究竟檯面嘅食物吸引啲定沈月吸引的喇！

 

呢張攝於升降機嘅照片都超有Feel，跌膊加Show腿，完全顯露咗沈月高挑嘅身形！相信沈月初試性感絕對令一班男生流晒口水！

 

今次時裝周沈月都有同粉絲分享佢每日嘅OOTD (outfit of the day)！講起服飾裝扮，當然唔少得支持返爸爸嘅牌子啦！今次時裝周沈月身上嘅單品好多都係嚟自爸爸嘅I.T集團，輕鬆成為I.T 嘅生招牌！

 

睇嚟無論係型格、甜美，定係鄰家女孩風都難唔到沈月！唔知佢係唔係認真諗住進軍模特兒界，定係會同媽媽一樣對拍戲有興趣啲呢？

 

沈月同媽媽邱淑貞真係好似樣，絕對係遺傳咗強大基因，標致五官加上高挑身形，相信星途都應該頗順利！