你都戴得起"大件頭"首飾

by Fa Tsui

冬裝又長又厚,即使私藏了再漂亮的首飾都得物無所用,不過,你感覺到嗎?藍天、太陽、背心、短裙....統統都出籠了,亦是首飾盒大解放的時候。既然壓抑了一整季,倒不如玩大D、玩誇D,這才切合香港人奉行的「大件夾抵食」。你睇Joey幾有型?
容祖祖戴上Janis by Janis Savitt
講到首飾,未必個個「大件」得起,但不要怕,只要堅守下列幾項法則就OK!

心口掛個「勇」字
想當日你第一次戴帽、戴黑框眼鏡、著高跟鞋出街,都係靠個「勇」字,首飾都唔例外。如果你第一次玩大件飾品,建議先從長頸鍊入手,習慣後再加至2條、3條…如此類推。重點是長短不一,營造對比。

千祈唔好over
這點非常重要,無論如何都要堅守,千萬不要過火位!戴了大件耳環,就得捨棄大件頸鍊;戴了大件戒指,就得捨棄大件手鐲。雖說不是定律,但未學行前就請乖乖聽話,否則一失足成千古笑柄。

留意身材對比
「吓?首飾又關身材事?」好簡單,試想像薛凱琪戴上Georg Jensen全新的Alliance 純銀頸圈,華納唱片一定black list小妹....
丹麥超模Freja戴上Georg Jensen純銀葡萄戒指,共2款size。
總括而言,長頸一族應避開有拉長作用的幼長頸鍊,除非配上圓或高領口。個子矮小的最適合戴大件手鐲;面大不宜戴大圓耳環,垂吊就最好,看丁太示範。

LOAD MORE