日本夢幻限定！Sailor Moon X Samantha Vega 聯乘手袋

相信每位CG!喺細個嘅時候一定要有睇過《美少女戰士》，心目中都有自己最鍾意嘅人物，希望收集有關佢嘅配飾，而Sailor Moon X Samantha Vega呢個手袋聯乘系列就啱哂鍾意美少女戰士嘅你哋啦！

今次聯乘嘅手袋款款都好靚，尤其係系列中嘅 Leather Mini Pochette，顏色用上代表每位主角嘅粉色，而手袋上嘅緞帶設計更係代表每位戰士嘅可愛形象同勇氣。如果細心啲睇，袋上嘅鈕扣更係印住戰士們獨有嘅守護星架！

價錢：35,650日元

長款銀包嘅設計亦都相當可愛！每款銀包嘅正中間都以金色裝飾重現戰士們嘅魔法神杖或守護星，內裏間隔都非常實用。

價錢：25,920日元

今次系列另一個特別之處就係融合咗露娜同阿提密斯嘅手袋設計，手袋上嘅貓耳已經係十分可愛，袋上仲有露娜同阿提密斯額頭上嘅月亮！呢個袋仲可以作背包或單肩包兩用，非常百搭。

價錢：30,240日元

呢個限量聯乘系列嘅單品將會喺2016年3月16至22日於伊勢丹新宿店率先發售，香港嘅朋友都可以從官方網站預訂選購，官網上仲有更多唔同款式嘅手袋同飾物架，詳情可按此。