落雨都唔驚,心愛白波鞋5秒有救

By COSMO

呢排天陰陰又久唔久落陣雨,搞到對心愛嘅白波鞋污糟晒⋯好心痛囉!終於俾小編發咗佢,心愛嘅白波鞋就無時無刻可以保持白雪雪!

隨身帶波鞋專用濕紙巾

可以隨時隨地將你對鞋變番新嘅一樣,就係呢包Jason Markk Quick Wipes,呢隻濕紙巾嘅好處係雙面構造,凹凸嘅一面方面將污漬抹走,然後用另一面抹乾。一盒有十二包,賣$110,即係成九個幾一塊⋯屬小資女嘅我,當然唔浪費,再抺多幾對,表現效果仍然不俗,帶定1、2包傍身亦好方便,所以值得推介!

 

如果你有時間又再慳家點,就可以用呢支Premium Sneaker Solution($170),佢採用98.3天然可以分解原料,不含化學成份,絕對唔會洗衰對波鞋,連麖皮都可照洗。

清洗方法就係將些少清洗液倒入個豬毛擦(無人話唔可以用日本城買嗰種,不過呢個係手造胡桃木⋯品味就是一種生活態度囉),然後濕少少水擦隻鞋,擦到起泡為止⋯如果唔夠乾淨,就重覆擦幾次,最後用布抹,再風乾。經測試,對Stan Smith嘅鞋面好快變番白雪雪,但個厚底位置就爭少少。

另外Essential kit($150)係must-have,一包有齊清潔液和手功製豬毛刷,送禮自用亦佳。以前Jason Markk好多地方有得賣,所以識貨之人去日本買波鞋時都會順手掃貨,宜家係香港嘅WOAW丶JuiceCatalog都有得賣,真係方便唔少。

 

 

 

 

 

最後要介紹埋另一款新產品,所謂防範勝於未然,將呢款Repel($160)噴在你的新波鞋上,就能產生保護膜,帶來防水防污嘅功能喇!

 


最近,亦有一款名為Sneaker LAB嘅護鞋產品,同樣不含化學成份,價錢和產品種類也差不多,於上環Square Street有售。

小編之前亦有試過用洗衣粉丶漂白水等洗鞋,但感覺唔良好,化學成份令你想盡快搞掂然後洗手⋯但用專用洗鞋產品就好安心,可以慢慢擦,再順便擦埋老公/男朋友嘅波鞋,佢哋重唔對你感激流涕?

 

 

 

 

 

 

 

 

LOAD MORE