打造宋慧喬女神look 5大秘技

韓國女神宋慧喬嘅神奇力量，大家都見識過，無論係佢用過嘅化妝品、剪嘅空氣留海或者Long Bob，都有不少女生痴痴地追隨，所以Song Style實在極具威力！至於配搭打扮方面，女神身型雖然並非極度完美，但係佢有一本隱惡揚善嘅秘笈在手，想學番一招半式去提升自己嘅吸引力，就要跟女神學嘢喇！

 1. 修腰恤衫裙

宋慧喬已有一排未有露面，最新相片係幾星期前穿著藍色條子shirt dress出席event，一來鬆鬆哋可以遮住手臂，二來條裙有修腰位，究竟佢近排身型係肥左定瘦左，實在估佢唔到。

 2. 半透視黑色絲襪助瘦腿

 上年九月倫敦時裝周期間的嘅喬妹，可能因為心情大好而略增肉地，大大證明泰山裝連女神都未必能夠駕馭。不過喬妹都好聰明，識得著番對半透視黑色絲襪瘦瘦條腿。

3. V領露鎖骨

喬妹另一穿搭秘技，係著緊身V領衫或低胸，佢可以將身型嘅視覺比例拉長，輕露鎖骨帶來骨感，而心口位亦點到即止，屬於大方得體嘅輕性感。

4. Platform高跟鞋拉長雙腿線條

露腿係每位女神嘅武器，雖然喬妹嘅雙腿唔算好幼，但佢會經常穿著膝頭上5吋嘅super mini skirt，然後襯對5吋高嘅super high heels，最緊要係有platform嗰隻，拉長雙腿線條，而且行起路嚟都舒服少少。

5. 迷你裙減齡

喬妹亦有著得好裝重嘅時刻，例如恤衫或者套裝，差啲以為佢係做教師。不過佢好醒目，識得調較裙子長度，以免感覺好老氣。

不過，女神亦有失手嘅時候......