feature

日常生活必備10大好用免費App 煲劇、辭職擇日、買禮物通通齊

編輯推介:日常生活必備10大好用免費App 煲劇、辭職擇日、買禮物通通齊

手機上安裝了無數個App,但又不是個個都有用!趁空閒時,一於來delete日常生活沒大用處的App,保留工作需要的App及社交媒體App外,順便下載這10個日常生活最實用的App!


打算辭職轉工的朋友必備App:辭工吉日

辭工吉日一圖睇晒哪天辭職最著數,尤其連假最後一日即last day,仲有糧出

 ▲辭工吉日 App

辭工吉日一圖睇晒哪天辭職最著數,尤其連假最後一日即last day,仲有糧出

打算新一年拎完雙糧Bonus就辭職轉工的打工仔,毋須再煩惱哪一天辭職了!因為辭工吉日一圖睇晒哪天辭職最著數,尤其連假最後一日即last day,仲有糧出!(shu!!!唔好被上司發現你下載呢個App啊!)順帶一提,打算辭職也要學懂辭職禮儀啊。

喜歡用IG的朋友必備App:StoryArt

下載StoryArt傍身,內設大量免費靚靚template,可以合拼圖片及影片

 ▲StoryArt App

下載StoryArt傍身,內設大量免費靚靚template,可以合拼圖片及影片

每分每秒都用IG Story報告最新動態的朋友,齋影相、拍片、Boomerang實在太悶!快點下載StoryArt傍身,內設大量免費靚靚template,可以合拼圖片及影片,一個IG story即可帶出多款美食照、風景相,毋須出N咁多個Story炸爆朋友啦!

煩惱買禮物的朋友必備App:Pinkoi

日常生活必備10大好用免費App 煲劇、辭職擇日、買禮物通通齊

 ▲Pinkoi App

Pinkoi雲集香港及亞洲各地設計師的作品,衫褲鞋襪以至精品首飾、日常用品應有盡有

不止生日禮物,還有情人節禮物、結婚禮物、聖誕節禮物、入伙禮物、百日宴禮物等等...每次一想到要買禮物就頭痛的你,手機裡一定要有Pinkoi App! Pinkoi雲集香港及亞洲各地設計師的作品,衫褲鞋襪以至精品首飾、日常用品應有盡有,且款式絕非一般街頭可見,確保有心思!最重要是價位由幾數到幾千蚊都有,仲送到上門,男女必備!

想學外語的朋友必備App:Duolingo

一個App有齊大量外語,由簡單發音學起,有埋專人發音及測驗

 ▲Duolingo App

一個App有齊大量外語,由簡單發音學起,有埋專人發音及測驗

想學多日文、德文、法文、韓文等等多國語言,但又的唔起心肝去上堂,一於下載Duolingo,一個App有齊大量外語,由簡單發音學起,有埋專人發音及測驗,搭車時學習最方便!重點:免費的!

飲唔夠水的朋友必備App:Plant Nanny

小編下載了Plant Nanny飲水App,結合飲水提示及種植可愛盆栽遊戲,

▲Plant Nanny App

小編下載了Plant Nanny飲水App,結合飲水提示及種植可愛盆栽遊戲

 「一天八杯水」人人都知但未必人人做到,尤其工作忙起上來,廁所都無時間去,忘了喝水絕不出奇。所以小編下載了Plant Nanny飲水App,結合飲水提示及種植可愛盆栽遊戲,每次收到提示,見到盆栽唔夠水可憐兮兮的樣子,也會令你醒覺要飲水!Btw,提提你,飲水要飲得健康原來帶這些秘訣!

準時上班的朋友必備App:HK Traffic

即時港九新界主要道路交通,實況反映路面交通狀況

▲HK Traffic App

即時港九新界主要道路交通,實況反映路面交通狀況

 需要打卡返工、遲到無勤工獎的朋友,呢個HK traffic非常實用!它能即時港九新界主要道路交通,實況反映路面交通狀況。對於需要搭巴士、小巴上班族而言非常實用。小編有時見勁塞車,都會立即改搭地鐵以免遲大到!

煲劇宅男宅女必備App:千尋影視

千尋影視有齊、中、西、日、韓、港、台多國多地電視劇、綜藝及電影

▲千尋影視 App

千尋影視有齊、中、西、日、韓、港、台多國多地電視劇、綜藝及電影

這絕對是小編大力推介的煲劇App,千尋影視有齊、中、西、日、韓、港、台多國多地電視劇、綜藝及電影,而且緊貼潮流,當晚播出的劇集翌日就有得睇。最貼心之處是,所有劇都可以事先下載,無WiFi都可收看,唔怕爆data!(坐飛機時也可收看呢!)

單身朋友必備App: Coffee meet Bagel

Coffee meet Bagel對象質素正常至偏高,App的操作也很方便

▲ Coffee meet Bagel App

Coffee meet Bagel對象質素正常至偏高,App的操作也很方便

2019年要告別單身,記得下載交友App物色對象!試過Tinder、happn、lunchclick等App,編輯還是最愛Coffee meet Bagel(試用感受分享),對象質素正常至偏高,App的操作也很方便。小編身邊也有不少女生朋友靠它脫單呢!

食好西的朋友必備App:The Gulu

這個App可以查到你附近有什麼餐廳,以及輪候狀況,用App排隊等位。

 ▲The Gulu App

這個App可以查到你附近有什麼餐廳,以及輪候狀況,用App排隊等位。

小編鍾意同朋友食好西,卻不喜歡花數十分鐘排隊,浪費青春。對付那些晚晚滿座卻不接受電話訂座的食肆,出動The Gulu吧!這個App可以查到你附近有什麼餐廳,以及輪候狀況,用App排隊等位。當見到就到你入座時才到餐廳,非常省時!

經常AA制的朋友必備App:PayMe

PayMe更推出QR code服務,即使沒有對方手機號碼,只要掃一掃QR code同樣能過數!

 ▲PayMe App

不少市集、Online Shop也接受PayMe交易,有電子紀錄,數目分明

有用PayMe App的朋友都大讚太方便,除了平時跟同事朋友食飯、搭的士,需要AA制,用PayMe來攤分款項外,不少市集、Online Shop也接受PayMe交易,有電子紀錄,數目分明。PayMe更推出QR code服務,即使沒有對方手機號碼,只要掃一掃QR code同樣能過數!

(如果是跟心儀對象約會,用PayMe AA制前,記得要學識AA制VS請客技巧!)

LOAD MORE