feature

香港明星跟風玩 #10yearchallenge熱潮 IG貼10年前後對比照!

香港明星跟風玩 #10yearchallenge熱潮 IG貼10年前後對比照!

今期IG 流行 #10yearchallenge,由外國瘋靡到港,鄭秀文、周柏豪、張繼聰、少爺占、馮盈盈、森美、官恩娜唔少明星歌手已經跟風挑戰!立即盤點明星們的 #10yearchallenge對比照,到底邊個變化最大?


鄭秀文 #10yearchallenge

鄭秀文 #10yearchallenge

十年過去,Sammi 身材依然keep 得住,頭髮留長一點更添女人味。她一邊分享舊照,一邊分享道:「 這十年。讓自己的身體(外貌)不褪化得那麼快,但其實更重要的,是一個人內心的進階。對人或處事有否進步了?心更寬容了?心更簡單純粹了?心更懂包容?你我這十年有順有逆有難關但都不重要,重點是如何在這堆困難中,學習到一些。在困難中你給自己提煉了什麼?提昇了什麼?十年可以磨一箭,十年亦可毀一人,下一個十年,一起努力。」

王君馨 #10yearchallenge

王君馨 #10yearchallenge

22歲VS 32歲的王君馨,你比較鍾意邊一個look? 雖然已為人妻兼達輕熟女之齡,但Grace 依然保持窈窕身材且比以前更性感!最大分別應該如她所說「#wheremycheeksgo👧🏻」,蘋果肌無以前咁明顯。

張繼聰 #10yearchallenge

IG掀 #10yearchallenge熱潮 香港明星跟風貼10年前後對比照!

今年 39 歲的張繼聰大隻咗好多,胸肌同手瓜大勝從前,而且留鬚甚有男人味!睇返10年前仲未夠 30 歲的他,仍然一臉稚氣,染有一頭紅啡曲髮,MK味濃!阿聰自己就話「好感激依10年,心境嘅改變比外表變化更大」。10年前初為人父,與現今成為一仔一女的爸爸相比,確實成熟穩重了不少!

周柏豪 #10yearchallenge

周柏豪 #10yearchallenge

周柏豪的 #10yearchallenge,變化不太明顯,他自己也形容「還不錯吧」,果然好襟睇!十年後,Pakho 也終於不只是穿黑色衣服,眼神也比以前銳利。

馮盈盈 #10yearchallenge

馮盈盈 #10yearchallenge

馮盈盈10年前只有14歲,是名中二學生!踏入青春期的FYY 與現時身形相近,不過穿上似是表演用的桃紅裙裝,再襯上當時中學生流行的髮髻,甚為老土。FYY仲大爆當時無化妝、無畫眉,甚至尚未發育,連她也大叫:「小姐 你邊位?」不過小編就覺得依然有7-8分相似!

 

官恩娜 #10yearchallenge

官恩娜 #10yearchallenge

Ella官恩娜已經生咗一對仔女,10年來生活變化甚大,睇返當年,佢塊面確實面腫腫帶點膠面,依家自然得多啦!10年前Ella 半紅不黑,直至2009年參加TVB節目「超級巨聲」得到大家關注,開始參與更多演藝及品牌工作。Ella分享舊照同時感觸:「人生真係話唔埋,永遠唔知聽日發生咩事,所以我係好熱愛生命!因為生命永遠為我帶來驚喜!我就係10年前識我老公,好多謝佢俾咗一個咁溫暖幸福嘅家庭我!仲有一對仔女!我真係非常感恩! 」

林奕匡 #10yearchallenge

林奕匡 #10yearchallenge

見大家都玩, 林奕匡又玩埋一份!林奕匡10年如一日,當然是個剛畢業的23歲率真小伙子,尚未出道。不過Phil笑容依然燦爛,如今只是換了個短髮,變化不大。

 

何雁詩 #10yearchallenge

IG掀 #10yearchallenge熱潮 香港明星跟風貼10年前後對比照!

藉著#10yearchallenge熱潮,何雁詩發現自己原來剛好出道10年!2009年Stephanie參加了第一屆《超級巨聲》而簽約TVB,正式入行,大家可以話係睇住佢大,當年只有 16 歲的Stephanie仍是名學生妹,依家亭亭玉立,識得打扮,索咗好多!

 

趙希洛 #10yearchallenge

趙希洛 #10yearchallenge

TVB藝員趙希洛,10年前剛出道,留有一頭黑長髮,少女味濃。今年36歲的Candice 跟 10年前模樣相似,同樣喜歡化濃眼妝,但染了金啡髮色就更有女人味。

 

袁偉豪 #babychallenge

袁偉豪 #babychallenge

星馬視帝袁偉豪玩 #10yearchallenge 大貼BB 時期裸照,尺度更大!阿Ben細細個原來好識擺pose,姿勢誘人,對鏡頭表情鬼馬百變,難怪長大後入行做Model,又榮獲香港先生冠軍!

 

森美 #10minutechallenge

森美 #10minutechallenge

森美大哥唔玩#10yearchallenge,改玩 #10minutechallenge ,果然如他所講「唔洗等十年先有改變啦,朝頭早起身梳洗前同梳洗後,十分鐘都夠大分別啦!」

 

陸浩明 (6號)#20yearchallenge

陸浩明 (6號)#20yearchallenge

貪玩的陸浩明 (6號)嫌 10年變化唔夠多,大膽貼出20年前的對比照!39歲的6號 20年前只是 19歲,但個樣望落去好像得 15歲左右,跟時下年輕人完全唔似樣!唯一不變是四眼仔形象和招牌露齒笑。

 

少爺占 #20yearchallenge (???)

少爺占 #10yearchallenge (???)

少爺占大方貼出1999年舊照,不過近照就變成可愛愛犬miumiu!少爺占20年前只有21歲,當年已經組成香港正東唱片旗下的樂隊3P出道。睇返呢個樣,其實同依家成個餅印,好似食咗長生不老靈丹咁!

LOAD MORE