動物傳心術係咪萬能？（上）

動物傳心唔係萬能

自從踏上了動物傳心之路後，各方的反應都好參差不齊，有的以為是厄神騙鬼，有的以為是自動腦內補完，有得以為是得道成仙，有得以為能醫百病。早前介紹關於動物傳心術的事情，重點其實只在於跟讀者說說有這樣的事情而已，至於信不信當然是由讀者決定。因此，對於以上的反應，很多都不用解釋、爭辯，倒是「能醫百病」這個錯覺有必要澄清一下。或許「能跟動物溝通」這個想法實在太脫離常理及我們的認知了，所以相信動物傳心術的人大多很一面倒地以為能溝通就能解決所有跟動物相處的問題，但身為一個動物傳心者，我可以大聲跟各位說，這不是一個萬能的方法！

迷思一：溝通到唔係大晒

或者大家以為知道可愛小寵諗咩，就可以解決一切問題，這是很傻很天真的想法。大家試諗下，你日日同屋企人、同事、愛人傾計見面，咪一樣咁鬼多問題！動物都不例外，有時可能透過動物傳心知道小寵物覺得寂寞，各位係咪就可以24小時陪住佢地？試過同一隻小貓溝通，貓貓表示最希望日日同主人黏成一塊攤屍曬太陽，但唔知點解主人日日都要出街出去好耐，於是朝朝早擋住個門口。嗯，其實動物係無「番工」呢個概念，所以你知道佢無得長期黐住你唔開心，最多都只係可以解釋俾佢知點解你要朝朝走出去……

迷思二：動物都會講大話？

係啊，動物都會講大話！大家咪以為動物同人好唔同，其實你會做的事情，佢地都會，包括詐傻扮懵。有時候主人因為寵物四處便便而透過傳心師「講數」，而當傳心師問寵物「你點解要亂咁便便？」的時候，很多時天真又可愛的小寵物第一個反應都係：「有咩？我無呀！」，又或者係互相推卸老屈：「唔係我呀，係貓B啊！」，然後貓B又會話：「唔係我呀，係貓C啊！」有時候，離世動物因為唔想主人傷心，所以就算傳心師感覺到動物唔太開心，但都可能會聽到動物話自己一切安好。所以可以成功溝通都未必一定可以知道真相及事實的全部。

迷思三：鬼唔知啊媽係女人

其實有些事情其實唔問都知，但有些主人偏偏要問，問完又唔會根據動物的意願去改善。舉個例，很多小狗都喜歡跟主人天天出街散步，日日吃很多狗零食，但傳心師照直向主人反映寵物的意願後，未必所有主人都會照做。零食那部份，主人或許因為健康理由而不能讓小寵隨心所欲，但天天散步的部份，主人是否真的會照做？有些時候主人其實心知肚明，但唔知點解又要問，問到又唔去改，成功傳心但問題只會持續！