12星座床上表現(下)

射手座

點解今次唔寫「人馬座」寫「射手座」？有原因。當然唔係話人馬座男人鍾意自助服務，於床上運動方面，人馬座性格俾人感覺多變，有如浪子般捉唔住，你想捉住人馬座注意力，就要緊緊捉住他興趣所在。人馬座男人就如同一隻馬（性格，唔係大細），你會同動物玩心理遊戲嗎？他們在床上喜歡一就一，二就二，既然都上床了就馬上來，唔好扭扭擰擰，你捉唔住他興趣都唔緊要，反正喜歡冒險和遊歷的人馬座，在床上運動方面都不介意多冒險和遊歷……在床上運動方面，射手座強調的真是簡單直接真實地當一個射手而已。

山羊座

山羊座的男人有少少「姐控」傾向，如果你喜歡年紀比你細的男人又不怕悶，可以考慮一下山羊座。山羊座男人自制力強得令人討厭，而且即使在床上，都要一步一步按部就班，如果你自問喜歡做誘惑、開發、啟蒙的一方而又有耐性，山羊座對你來講應該幾好玩。山羊座因為所有事都喜歡一步一步，忍耐力亦強，至於會唔會因為忍耐力強，最後賽事仲長過跑馬拉松的金牛座，就真係不得而知了。

水瓶座

首先，須知道水瓶座其實相當有自己一套準則，而他們的準則又實在同坊間平民百姓有一定程度偏差：水瓶座追求一些能夠令自己產生心理上快感的性行為，所以你有可能要比較包容，例如玩玩繩藝、穿穿制服、玩玩馴獸等等（至於邊個施邊個受，真係唔係太清楚），就好似自由體操運動員用盡各種道具咁，水瓶座男士都好有可能用盡各種道具或者要同你一齊做盡各種令人難以想像的體位……

雙魚座

「雙魚座愛幻想」、「雙魚座活於自己空間」……咁同床上運動有咩關係？小心你遇到果個雙魚座，連床上運動都剩係喜歡幻想，當然，你要到佢應該都會俾，不過咁單向的運動，做完都唔開心啦？不妨先刺探一下雙魚座的他喜歡乜，佢幻想的又到底係乜，聽完你又唔介意，咪滿足下佢幻想囉，否則真係「得物無所用」，大家都得個諗字，你無聊佢又唔滿足，盞搞。