你不可不知的日本6大萌物

 

在辛苦而又緊張的生活壓力下，偶爾放鬆下心情，看看可愛的東西，也是不錯的減壓之道。。無論是醜得可愛的小動物或是卡哇伊的動漫人物，皆不約而同以療癒的路線來征服人心。日本更是療癒系卡通人物最大'輸出國家'，以下6大人氣萌物你一定要知他們的來頭。

 

 

1.蛋黃哥 /梳乎蛋（gudetama）

 

 

雖然香港區SANRIO已經俾左個正式嘅名佢叫「梳乎蛋」，但大家仍然好愛叫佢做「蛋黃哥」，因為哥的懶洋洋無力感真係好代表到各位想hea嘅心情，乜都唔想做只係想一灘野咁瞓喺度，而官方資料亦都話佢嘅性格、口頭禪同鍾意嘅事都係「乜都唔想做」。
 

而蛋黃哥嘅Twitter更係經常發放「懶」能量，例如煙肉當被冚，瞓係蛋白上面撩鼻屎等等，仲配上抵死灰爆旁白。而蛋黃哥更已將呢股「懶」魔力散播至各大周邊商品，仲同好多品牌crossover，例如大阪燒連鎖店「道頓崛」、LINE Sticker、同不二家推出卷蛋等等，相信黎緊都大把機會見到呢位人兄。

2. 船梨精（funassyi）

 

同「熊本熊Kumamon」一樣，船梨精都係宣傳日本地區嘅吉祥物。出身自千葉縣船橋市嘅佢代表住當地名物「梨」，雖然身擁有啤梨身型，但彈跳力驚人，成日郁身郁勢坐唔定，特技係人群中亂入（！）攝鏡。

3. 熊貓大叔（ojipan）

 

完全無諗過熊貓可以同大叔有任何關係！但呢隻熊貓大叔唔會令你覺得好麻甩，相反有一種微妙嘅可愛感覺。外貌特徵係barcode稀疏髮型、有個微凸嘅大肚腩，職業係普通打工仔，獨身，家庭狀況係一個謎，最鍾意食蛋包飯，朋友係龜同八爪魚，上司係仙鶴（乜全部都咁老嘅）。據聞熊貓大叔係日本深受上班族同OL歡迎，個個都話想個熊貓大叔咁樣嘅老細喎。

4. 三文魚切片仔（KIRIMIchan）

 

在SANRIO舉辦嘅食物角色總選入面打敗左蛋黃哥嘅三文魚切片，同佢一班切片朋友包括：魚板切片、烤豚肉切片、鯖魚切片等魚類切片一樣都有好橫好長嘅頭，雖然性格冇蛋黃哥咁過癮，但因為時常有新角色，又成日同餐廳合作出新menu，所以Twitter都有超過20萬人follow。講真，成日望住呢塊三文魚，都真係幾肚餓。

 

話說日本人搭車時會習慣性地揀最角落的位置坐下，其實香港人咪又係，都鍾意揀最側邊嘅自閉位坐，自成一角。日本人於是將呢種習慣發展為一個「角落生物」嘅角色。角落生物家族包括有白熊、企鵝、炸豬排、貓、珍珠（珍珠奶茶飲剩果啲）同雜草。佢地都鍾意逼埋喺牆角，所以成日會疊羅漢咁企埋牆，個性怕醜。難怪好多人都鍾意佢地，覺得可以從此獲得安全感。

 

 

 

 

Kumamon 熊本熊（くまモン）

 

6. 熊本熊

 

又稱萌熊或熊紋，圓圓的眼睛以及呆萌臉頰是他的標記，這隻黑熊外貌有點憨直。原來他是日本九州熊本縣政府邀請當地出身的作家小山薰堂及設計師水野學設計出來的地區吉祥物。熊本熊的主要職責就是每天都要四處奔波、代言發聲，早年更親自跳bungee jump、接受冰桶挑戰，更因減肥失敗而被降職，敬業樂業兼絕對入戲，成為當地的最佳代言人。即然熊本熊如此落力，大家不妨去他的家鄉旅行吧！



photos by the Internet