編輯試食！6款特色香腸大比拼

好食嘅嘢係唔健康，但試問有邊個可以抵擋邪惡嘅美食──香腸？只要唔係鯨吞落肚，間唔中食下都無妨。當然，quota係要留俾最好嘅，所以小編就為大家試咗6款香腸，睇下邊款值得你用個quota！




即睇試食報告：

<<更多試食報告>>編輯試食！6款日本雪糕、雪條大比併
1.車打芝士香腸 $50.8（購自觀塘一田）

口感：★★★★­☆­（四星）
味道：★★★★­☆­（四星）
整體：★★★★­☆­（四星）

總評：脆皮香腸配上車打芝士，味道都幾夾，偏鹹但唔過鹹，幾好味，而且好多人都鍾意用呢隻腸嚟BBQ。

<<更多編輯試用>>懶人料理神器！有6種功能嘅小巧電飯煲

2.蘑菇芝士雞肉腸 $93.5 （購自銅鑼灣city’super）

口感：★★★☆☆­（三星）
味道：★★★☆☆­（三星半）
整體：★★★☆☆­（三星半）

總評：整體味道較淡、質感亦較乾身，食嘅時候有芝士味滲出，不過就食唔到蘑菇嘅味道同口感，所以頗為失望。加上價錢唔平，如果想要個芝士味，買返第一款仲好。

3.烤蒜雞肉腸 $73（購自銅鑼灣city’super）

口感：★★★☆☆­（三星）
味道：★★★☆☆­（三星）
整體：★★★☆☆­（三星）

總評：味道濃郁，偏鹹，但又唔會太鹹，不過無蒜味，肉味亦唔特別香，一定唔會回購。

4.菠蘿煙味豬肉腸 $55（購自德福Piago）

口感：★★★★­☆­（四星半）
味道：★★★★­☆­（四星）
整體：★★★★­☆­（四星半）

總評：外層係薄薄嘅脆皮，肉質彈牙，口感唔錯。入面有啲狀似菠蘿嘅粒粒，不過食唔到菠蘿味。整體味道偏甜，如果唔係偏甜小編會覺得更好，因為口感同味道都幾好，而且佢嘅口感係咁多款入面最好嘅！
5.珍寶牛肉香腸 $108（購自銅鑼灣city’super）

口感：★★☆☆☆­（兩星半）
味道：★★★☆☆­（三星）
整體：★★☆☆☆­（兩星半）

總評：質感似普通嘅腸仔，味道無乜特別，唔知點解食嘅時候令我諗起沙律醬嘅味。如果唔講係牛肉香腸嘅話就真係唔知，而且要$108，性價比好低。

6.黑豚肉香草腸 $55（購自銅鑼灣city’super）

口感：★★★☆☆­（三星）
味道：★★★☆☆­（三星）
整體：★★★☆☆­（三星）

總評：唔係話佢難食，但佢係一般西式早餐嗰啲香草香腸嘅味道。香草味夠嘅，鹹度亦適中，不過就無乜特別，亦食唔出係用黑豚肉整嘅，試過知咩味就唔會再買。