4個工作態度令你變公司冗員！

喺職場上想人見人愛，唔會令同事反白眼，又唔會被上司嫌棄，有4種工作態度係絕對唔要得！

1. 抱怨工作，經常講想轉工

諗轉工都係平常事，不過就唔好成日掛喺嘴邊啦。如果得個講字，又無勇氣／無條件實行，同事只會覺得煩厭。最怕唔覺意俾老闆聽到，又遇啱公司想裁員，咁你就……

2. 推卸責任，永遠都係人哋錯

你又唔係丁蟹，做錯嘢點解唔好好檢討同自我反省，而將所有失敗都怪晒喺環境或其他人身上？長此下去，你只會成為一個「唔能夠勝任任何工作」嘅公司冗員！

3. 鍾意認叻，工作毫無進步

每次有工作交到手，你總係搶住話︰「得啦！我識做啦！」，完全唔肯聽意見或提示，結果即使係重複做過嘅工作，結果同第一次做都係無分別，仲分分鐘要同事執手尾。

4. 無心無力，不願增值

無論一份工你做咗幾耐，只要有心，都可以自我增值。無論工作幾忙，都可以做好時間分配，用「好忙」嚟做藉口而拒絕學習，你永遠都無法成長。