12星座邊個最守唔住秘密？

如果你有秘密、心事要向某人傾訴，你會揀邊個？就算對方好關心你，但如果口疏周圍講，搞到個個都知，就真係麻煩啦！今次就睇吓邊個星座最守唔到秘密。

第一位：人馬座
人馬座出咗名係大嘴巴，份人直率，又討厭講大話，好多時候都忍唔住爆響口，況且佢認為只要係真話，就冇必要隱瞞。甚至佢講野比較誇張，唔單只直腸直肚講出秘密，仲會加多幾錢肉緊，令成件事更戲劇化。

第二位：雙子座
雙子座消息靈通，就算你唔係同佢講秘密，佢都可以從唔同渠道得知別人嘅事，而口多嘅雙子，你叫佢保守秘密，佢轉頭就唔記得，同別人閒聊當中，講講吓就會講出秘密，是非當人情，以顯示佢自己收風夠勁。

第三位：白羊座
白羊座相當直率，行動快過思想，明明想忍住唔講秘密，通常都係衝口而出講咗先知自己講錯嘢。特別係當佢氣上心頭，要同人爭拗時，就乜都講得出，連唔可以講嘅都爆哂出嚟。

第四位：雙魚座
你同雙魚座傾訴你嘅秘密，良善嘅佢當然會答應你唔會亂咁講俾人聽，但佢成日發白日夢、警覺性又低，唔覺意就會講咗出嚟，而且有時記憶模糊，更會將事實扭曲或誤解咗，變成了以訛傳訛。

第五位：獅子座
獅子座對人係好忠誠，絕對唔會想出賣人而講別人嘅秘密，但份人不太懂得掩飾，更認為做人只要係光明正大，沒有什麼不可告人嘅秘密。特別係如果有人用激將法，為咗自己嘅面子，獅子就會乜都講出嚟。

第六位：水瓶座
如果你想水瓶座幫你保守秘密，你最好唔好同佢講 : 「呢個係秘密，你千祈唔好講俾人聽。」因為水瓶座有點反叛，你叫佢保守秘密，佢偏偏就會講俾人聽，咁你自己真係自找麻煩。

第七位：天秤座
天秤座善於同人溝通，亦懂得人情世故，會知道咩應該講、咩唔應該。當佢知道有啲事係不能可以講嘅，一般都會好識做保守秘密。不過天秤有時想討好某啲人，都可能會透露少少對方想知道嘅秘密嚟換取好感。

第八位：處女座
處女座做事好有分寸，亦相當細心，就算你唔叫他保守秘密，他也懂得自己去衡量輕重。如果佢知道有啲事唔應該講，又或者會影響到別人，就不會亂嚟。處女座就算講嘢刻薄咗一啲，但會很清楚保密嘅重要性。

第九位：金牛座
金牛座好著重承諾，內斂又老實，本來就不唔是一個多嘅人，說話又謹慎，特別係如果佢答應咗你要保守秘密，他就真係將佢吞咗落肚，唔會輕易洩露出嚟，係相當可靠又值得信任嘅人。

第十位：巨蟹座
巨蟹座嘅自我保護能力好強，亦會努力保護身邊嘅人，就似起咗一道保衛網，唔會容許別人入侵。尤其係如果秘密洩露了出去，會讓自己或所愛嘅人受到傷害，佢就絕對唔會做，否則一定會好內疚。

第十一位：山羊座
山羊座做事非常嘅謹慎，小心翼翼，平日講說話都唔會亂來，何況係秘密，他就一定會守口如瓶。而山羊座好重視自己嘅專業操守，關於公司嘅機密、顧客嘅資料等等，一定會非常負責任嘅保護。

第十二位：天蠍座
天蠍座雖然平時聽聽埋埋好多秘密，自己亦有好多不想話俾人知嘅事，但絕對可以扮無野、隻字不提。喺人哋面前，唔會讓人睇穿自己嘅內心，人哋想撬開佢把口都相當難，係一個絕對能保守秘密嘅人。