8種常見頭像透露心情

自從社交網站流行到幾乎係人與人溝通嘅主要聯繫，我哋都習慣咗睇status嚟表達自己或了解朋友嘅最新狀況，不過又唔係人人都鍾意畫公仔畫出腸咁，將自己嘅心情「寫到明」，反而頭像更有投射作用，一張相就可以反映到一個人嘅自我、情緒或所認同事物。

1. 又遠又小的人像：長期都係用呢種相嘅人，性格都係較為保守、害羞或者唔夠自信。如果係突然換相，可能最近人際關係麻麻，防衛心強。

2. 大頭相：唔好以為放得大頭相一定係超自信，有可能係剛剛相反，現實中係唔敢表現自我嘅低頭一族。

<<閱讀更多>>心理測驗：你識唔識為自己爭取？

3. 童年照片：總覺得過去嘅事物比現在美好，容易傷感，又或者係不滿現狀。

4. 隨便一張生活照：呢類人對自己嘅接納度比較高，對外貌也比較有自信，唔一定靚係靚仔靚女，但係能接納自己嘅本來面目。

5. 家人照片：表面好似好幸福，但內心可能缺乏安全感，渴求保護。

<<閱讀更多>>好SWEET！5個簡單觸碰製造親暱感

6. 男女朋友嘅照片：好明顯目的只有一個，曬恩愛。

7. 陰鬱嘅風景相：例如陰天、森林之類，表示內心複雜，憂鬱或傷感。

8. 血腥圖片：處於衝動情緒中，有傷害自己或他人傾向，見到呢類朋友要關心吓啊！

<<閱讀更多>>越緊張越傷身！影響健康的4個小動作