越忙越要歎！Cull ’N Pistol 周末早午餐

做嘢做得越辛苦，就越想襯放假搵個好地方，邊歎brunch邊同閨蜜聚一聚！
 

 

呢度落地玻璃嘅設計同店內環境都好舒服，感覺可以令人慢落嚟，好好hea一下！而且店家六月起會推出逢周末供應嘅全新早午餐，以加拿大波士頓龍蝦、法國大肉蟹同挪威三文魚等海鮮炮製出一系列好吸引嘅brunch！
 

 

周末早午餐共有10款單點菜式，價錢由 $98 起（另設加一服務費），當中最引死小編嘅係「焗龍蝦配半熟炒蛋」（$168），喺半熟炒蛋入面混入龍蝦肉，頂層再加上自家製荷蘭汁同原隻龍蝦鉗，伴以酸種麵包多士嚟食，諗起都覺得正！

 

「蟹餅班尼迪蛋」（$158）就將傳統嘅煙肉或煙三文魚換成自家手打蟹餅，先將法國大肉蟹以洋蔥同白酒炒香，再加入薯仔、巴馬臣芝士、芥末和蛋黃等搓成蟹餅，最後沾上麵包糠炸香，食落口感鬆脆、充滿鮮味。最特別係荷蘭汁混入咗美國地道香料 Old Bay Seasoning，所以味道更加濃郁。
 

 

而「自家醃製三文魚伴水煮蛋及多士」（$158）中嘅挪威三文魚以紅菜頭、檸檬皮同刁草等醃製三日，伴以水煮蛋、三文魚籽醬、牛油果蓉同酸種麵包多士，係清新之選！

 

至於「鹹牛肉芝士三文治」（$118）就喺厚多士內夾以鹹牛肉同半溶嘅車打芝士，由於鹹牛肉以腩位製作，烘香後非常惹味。

 

如果你鍾意飲酒，就可以每位 $198 嘅優惠價喺兩小時內任飲意大利 Prosecco 氣泡酒啦！

 

地址：西灣河鯉景灣太康街 55 號 A 期 GA1-3 號舖 

電話：(852) 2513 0199

供應時間：星期六、日及公眾假期 11am-3pm