登入 瀏覽本網站，可獲取積分換領專屬優惠
點擊查看專屬優惠
小編極愛貓狗同兔仔，不過由於屋企細，加上有鼻敏感，實在唔適宜養動物，所以每次見到貓狗cafe都想即刻衝去！剛剛仲發現咗間兔仔cafe，真係開心死小編啦！
呢度暫時有9隻兔仔，佢哋會輪流休息，所以每次會見到8隻，分別喺籠內及圍欄內。
呢度最特別係有好多唔同品種嘅兔仔，好似賓尼兔、白兔、獅子兔，混種侏儒兔及貓貓兔。
為咗保護啲兔仔，cafe設有入場守則，例如影相唔可以用閃光燈、唔可以抱兔仔、唔可以扯兔仔隻耳，以及唔可以捉實兔仔等等。
不過你可以摸下佢哋，要記得由頭部摸起，同埋唔好摸佢哋脆弱嘅肚仔啊！
收費方面，Cafe 設有入場時限，並有三個唔同組合嘅套餐俾你揀：
$68/首1小時：包飲品一杯。
$98 /首1小時：包括飲品一杯、休閒套餐內嘅一款食物，以及兔仔小食（一小杯乾草）。
$138 /首1小時：包括飲品一杯、至抵套餐內嘅一款食物，以及兔仔小食（一小杯乾草）。
上述組合其後每半小時加收$20、一小時加收 $30。
提提你，cafe唔會幫你計時，記得自己睇時間喇！
綠茶紅豆飛碟
食物方面，雖然選擇唔算多，但由小食、主食到甜品都有！好似呢款休閒套餐內嘅綠茶紅豆飛碟，用上O'sulloc綠茶醬同北海道紅豆整成，好有誠意！
朱古力香蕉飛碟
同屬休閒套餐，呢款朱古力香蕉飛碟係小編嘅心水推介！佢外層搽咗牛油，所以香脆得嚟帶點鹹香，加埋朱古力同香蕉呢個無敵組合，正呀！
藍莓芝士餅
休閒套餐內有甜品俾你揀，其中一款係藍莓芝士餅。各款飛碟、蛋糕，燒牛扒配珍珠米飯及薯條等，同樣設有單點架，價錢由$38至$78不等。
大食拼盤
而至抵套餐內嘅大食拼盤，就有芝士或泡菜釀雞翼、魚手指，麥麥雞及豬肉餃子。（至抵套餐內嘅美食可選薯條或迷你水耕沙律一份啊！）
燒牛扒配珍珠米飯
同屬至抵套餐嘅燒牛扒配珍珠米飯。
（至抵套餐內嘅美食可選薯條或迷你水耕沙律一份啊！）
榛子奶茶、焦糖朱古力
飲品單點$28/杯，加鐘可以半價優惠享用第2杯。
Rabbitland Cafe
地址：銅鑼灣謝斐道530號3樓
電話：5281 0280
立即訂閱接收Cosmo最新潮流資訊
訂閱電子報，時刻掌握生活資訊！