作為「奴工」，身處喺食物鏈底層，面對公司的無理制度、縮骨老闆，返工好辛苦，好彩的話會有好同事好戰友一齊奮鬥，鬧爆個制度。不過，人事變遷呢啲野話黎就黎。老闆升你那位好同事，而唔升你，以為她會幫你爭取甚麼嗎？原來升左職後，因角色和身分的不同，令到你地嘅距離這麼近那麼遠，她已經唔係你當初認識的那個她了！
1.擠身管理層的她，竟然180度轉變？
以前一齊係small potato嘅你地，lunch time係最開心嘅時間，因為可以暢所欲言，埋怨人工低、workload 大、成日要OT。到同事升職，希望佢會幫你發聲時，先至發現一切都變了，佢唔單止唔幫你講說話，態度也像真·高層，原來，曾經的美好已成過去，由佢升職開始，你地中間就有一層隔閡！
2.出發點變得不一樣
望住佢，有一種曾經熟悉而現正變得陌生的感覺。始終角色轉變了，看事物的方式也會隨之而轉變。
打工仔由下望向上，仰望構架，而管理層則由上望向下，俯覽員工；一個普通的打工仔，關心和在意的，不外乎人工和待遇，準時出糧呀、新一年加薪幾多呀、點claim錢呀，這些是重點，然而高層通常都收到老闆order，諗下點提升業績呀、緊縮開支呀、令公司利潤最大化呀，最好每個員工都免費為公司效力，這樣來說，高層是不是與無情、刻薄掛上勾？
3.講一套做一套？
升職後的她，與你存在無形衝突。她雖然口講會幫你反映意見，例如撤銷星期六返工的制度改行5天工作週，但面對老闆根本開不了口，或不願開口，驚破壞老闆對她的印象。跟你表面有講有笑，實則她也在暗地衡量你的工作表現和能力，友誼早已難以存在。
4.跟曾經你們所厭惡的人交好
Management 就係要manage啲人，管人事，當然要建立起良好的工作關係。曾經你地一同很不滿意嘅人，她現在會因工作關係而埋堆和攀談，她可能心想：「是工作一部分，沒辦法！」但作為曾經的戰友，真的難掩失望囉。
5.變得「懶」
升左職之後，點都有階級之分，加上工作調動，佢會安排手上工作給你。有些嚴重case，會因為升左職，恃住自己要成日開會，而唔做野，甚至會變到好懶，唔想自己做而假手於人。
延伸閱讀 7個中槍點！好員工想RESIGN的理由
延伸閱讀 辭職的抉擇！5個情況暗示你這份工作做不下去了
