其實你寧願做少單生意,都想準時收工

by 弓仁

《其實你寧願做少單生意,都想準時收工》 

餐廳收十點,總有些人9:45pm登門。
即使工作人員友善說:「就Last order啦,我哋10點關門。」
多數會得到一句「唔怕啦,我哋快快手食。」

工作人員再稍稍勸說。

就會得到一句:「得啦,我會畀錢架。」 

也許只有在服務業待過的人,此刻就會苦笑,內心會泛起一句:
「嗰一百幾十,我都唔唔稀罕啦……」

之後的結果,大家都清楚。

9:45pm坐低,飯餸最快都9:55pm到。一食,就坐到10:20pm。
即使由9:55pm開始,餐廳只剩下一張枱,他們依然坐得從容。

他們心中也許會說:「食多20分鐘啫!有咩咁大不了呀!」

只是他們忽略了清潔、執枱、埋數等程序。

最位打工仔走出大街,已經是11點。

到了這個年頭,很多客人都未明白「我寧願做少單生意,都想準時放到工」的道理,客人的幾張「紅衫魚」絕無意義。

有錢,並唔係大晒架。

有朋友做時裝Sales,試過落半閘後依然有人會「鼠」進商店,當時已埋大數。

客人堅持要買嘢……大家都明,拒絕就會收到投訴。

唯有再次開機,重新搞過條數。
一來一回,又晚了半小時收工。

客人總是有好有壞,當中總有些漠視了打工仔的「收工時間」,心中覺得「畀生意你做咋,執到啦你。」

這個營業時間,經常變成一塊沒人理的道具。

 小時候做過Parttime Sales,身受其害,自然同情。有時朋友想到一間餐廳,但已剩下半小時,我都會說:「算啦,唔好阻到人。」即使身在店內,看見客人漸散,我也會「起身走人」,讓打工仔早點打掃,早點回家。

這不是甚麼偉大的好事,只是將心比己。

你係人,佢都係人啫。

你自己都不想OT啦。

 

 

LOAD MORE