【中學回憶錄 - 那些年的五大潮物】

你同我都中學過，今日同你重遊回憶花園！盤點下那些年，同我哋形影不離嘅五件潮物！

1：電話繩

Vivienne Westwood、Gucci，你當時未必買得起呢啲品牌嘅袋，但就買得起佢嘅電話繩。幾百蚊，夠獨特，送禮自用兩皆宜，有人鍾意長；有人鍾意短，任君選擇，
不過時至今日，我們的手機，都已經沒有電話繩的位置。

2：Nokia電話

子彈都打唔穿，跌極都跌唔壞，內置令七億人瘋狂嘅貪食蛇，曾經有個年代，Nokia is the King。
大家唔會講「你用邊部電話」，而係「你用邊部Nokia」。

 可惜隨住「按鍵手機」嘅退場，Nokia再不能獨霸市場。
以前你覺得Nokia永垂不朽，可惜世事如棋，往往事與願違。

3：MP3機

你或者冇經歷過Walkman年代，但MP3機盛世，就一定冇錯過到。
佢令你開始咗「行路都聽歌」嘅生活。亦陪你度過好多溫書時光。

當時你或者會介意，唔想畀啲朋友知你入咗咩歌喺裡面。
去到後期，iPod開始出現，加上可以入歌落電話，
MP3機完成歷史任務。隨葉落、隨風散。

4: 歌詞紙

喺遠古時代，寫得一手靚字嘅人，上堂冇嘢做，總會抄歌詞。
當時手機冇上網，如果你太愛一首歌，唯有抄低佢，行到邊拎到邊唱到邊。

如果你筆袋有好多唔同顏色嘅筆，咁睇嚟你都係抄歌詞嘅能手。

5: icq/msn/Xanga       

早前《不懂撒嬌的女人》勾起大家對Icq嘅回憶。

不知當年Icq嘅「﹀公主~*儀B@」同「◎醉愛””菇丹∫⊥」活得如何？但都已經唔重要啦...

當時Icq沒落，msn興起，各種小遊戲成為男女談情說愛嘅聖地。
而Xanga都可以話係每人必備，開展咗窺探別人生活嘅習慣。

你都曾經好想自己個名，出現喺某個人嘅某篇Xanga入面，係嘛？
至少，我真係試過，日睇夜睇，希望自己個名，出現一次。

延伸閱讀：三步速成完美無瑕肌膚綻放自信光華

延伸閱讀：5個化妝新手要知的底妝貼士