最頹攻略 打風必做五件事

by 六妹

最頹攻略 打風必做五件事

會唔會打風?會打幾耐?呢啲全部冇人知!但正所謂未雨綢繆,等風到時再Plan,一切都已經太遲!究竟若然打大風!有咩必做?

1. 熱血執屋

講真,次次執屋你都覺冇時間,因為你將「執屋」呢個行動嘅優先序擺到極限低。但打風時,大家都沉靜,各自在家,執屋除咗沉澱心靈,執完個人都開心啲。用正面心情迎接「個風始終會完」嘅事實。

2. 瘋狂煲劇

咩美劇韓劇日劇,平時你已能一日一兩集。今日你可以趁打風用最瘋狂嘅模式喪煲!一日追返所有進度,將人哋拍咗幾個月嘅作品,用一晚non-Stop嘅Speed吞落肚。真係無比嘅滿足。

3.親情打牌

講真,有幾何成家齊人喺屋企?唯有打風時!如果你屋企齊4個人。唔使諗,立即開枱!麻雀耍樂!用一百幾十嘅賭搏,增進親情。真係樂也融融。

屋企唔夠4個人?打電話睇下有冇親朋戚友住附近啦!

 

4. 友情打機

你都知道,呢家打機多數online。但香港人各有各忙,連約埋一齊online都有困難。呢個今晚有約、嗰個又要早瞓、你自己直情未放工,真係連一齊打機都變得奢侈。但呢個Moment,大家都安在家中。

各位,開機啦!!

5. 瞓

唔使講咁多,落波先叫醒我!

因為,我真係好眼瞓。


其實打風都唔係咩好事,仲要感謝好多打風都堅守崗位嘅職員。
只係香港人平時太忙,所以咁期盼打風,希望偷得浮生半天假。

LOAD MORE