TVB歷年來的五大絕招!你又記得幾多?

by 六妹

 

記得細細個,電視劇有好多絕技都令你摸不著頭腦!
雖然唔明,但又好似好勁!

當中你又記得幾多? 今日就重溫一下!

第一招:風火山林

 

來自《撻出愛火花》!

屬於霆鋒初出道作品,故事好青春,霆鋒一邊打柔道一邊追女仔!

仲喺元華身上學識埋風火山林呢招必殺技!

 

之後一場師徒對決,都仲記憶猶新!兩個都用風火山林!
兩個最後都係一齊撻落地!

 

第二招:七重天

 

《桌球天王》除咗有支倚天Cue同屠龍Cue,打到個波識著火之外,仲有一招七重天。

七重天即係白波可以撞足七個咕邊!咁就咩角度嘅波都打到!

 

不過好多有打開桌球嘅朋友,都話白波真係冇可能夠力撞足七邊!

但算啦,反正《桌球天王》走浮誇風格,連賽制都唔跟現實~

加上桌球玩雜耍一幕仲紅到去外國!

所以唔好睇得太認真!

 

第三招:冷凍之手

 

你都估唔到一套平平實實嘅《情迷黑森林》,都有好多絕招出現過,

包括馬德鐘嘅冷凍之手,同胡杏兒嘅母親之手。

不過呢招算係有少少少少根據,
起碼講出嚟唔算太唔科學,有機會成真!

 

 

第四招/第五招/第五招:破冰轉身/片石轉身/擾流泳法

 

講到必殺技,又點可以冇呢套神劇份呢?《戀愛自由式》!
又係青春劇,當時女主角仲係bobo、Stephy、傅穎再加唐寧,
男主角係蕭正楠、Bosco同黎諾懿!

青春還青春,但依套嘢啲必殺技就真係過晒火位!

包括彈到九樓咁高嘅「片石轉身」;

同埋無拿拿可以玩埋冰震技術嘅「破冰轉身」!

 

最後一招「擾流泳法」,用水流擾敵似乎有返少少可能。

但泳池水流本身偏穩定,
加上如果你領先緊,對手靠近你,分分鍾你啲水流會幫佢加速!

所以與其諗點擾亂人!不如諗點游快啲啦!

 

雖然TVB嘅必殺技有啲令人哭笑不得,

但都真係我哋嘅集體回憶!

而且有得笑下,輕輕鬆鬆食啖飯,

其實都唔錯呀!

LOAD MORE