雖然暑假同大部分打工仔無直接嘅關聯，但係一到夏天，心情就自自然然想放長假，假如又無咁多假俾你出走，咁就不如約埋閏蜜好姊妹，一齊High Tea嘆個茶、影靚相、傾下計，都夠開心啦！今次小編就介紹5間最近人氣好高嘅High Tea好去處俾大家，bookmark完就約閏蜜喇！

1. FINDS - 城市野餐Brunch

位於尖沙咀的北歐餐廳FINDS，為咗讓大家享受到野餐嘅歡樂，特別推出推出城市野餐Brunch，岩晒又想去野餐，但又懶得準備食物嘅姊妹，喺森林般嘅室內享受美食，一流啊！

姊妹們可以挑選喜愛嘅食材，如FINDS的招牌三文魚、芝士、田園蔬果等，製作專屬三文治。

為咗讓大家更有野餐嘅感覺，餐廳所有嘅食物，都係以仿罐頭、小木板擺放，超精美架！包括有富北歐特色嘅醃希靈魚、口感清新嘅芒果沙律、茅屋芝士，同埋以玻璃瓶盛載嘅煙燻北冰洋蝦、刁草薯仔同埋新鮮田園沙律。

價錢：每位$278（最少兩位用），賓客可另加$150元無限暢飲紅白餐酒、汽酒及指定啤酒。

日期：逢週六、週日及公眾假期供應。

地點：尖沙咀金巴利道39號帝樂文娜公館1樓

電話：2522 9318

2. SEASONS BY OLIVIER E - 果香下午茶

夏天緊係要消暑氣！SEASONS BY OLIVIER E就以夏日森林嘅鮮果為靈感，推出森夏果香下午茶，以清爽嘅輕食為主！下午茶有甜、鹹點兩類，鹹點就擺放喺三層架上，第一層為清新嘅樹蕃茄凍湯配羅勒泡沫，帶有熱情果香嘅樹蕃茄，兼火腿芝士多士配鵪鶉蛋，中層就係松露龍蝦配蛋黃醬，而最下層就有龍萵香草雞肉撻同埋芝士蝦卷。

木酒箱上嘅甜點共有六款：菠蘿冰棒、士多啤梨法式杏仁餅、冰茶啫喱、法式芒果撻、炸黑朱古力冬甩、傳統原味及提子鬆餅。擺設好靚，最岩同閏蜜邊食，邊影相同傾計！

價錢：每位 $268，2人份 $518，包一杯咖啡或茶，可另外加配香檳（$105）、雞尾酒（＄70）一杯。

日期：星期一至星期五3:00pm-5:30pm；星期六及公眾假期3:00pm-5:30pm

地點：銅鑼灣恩平道28號利園二期3樓308-311號舖

電話：2505 6228

3. LOG-ON Café彩虹甜品

LOG-ON Café今個夏日推出Rainbow Fantasy甜品同埋飲品，以彩虹做主題，包括有夢幻士多啤梨班戟、彩虹芭菲、鮮果大集匯嘅奇妙彩虹雜果窩夫、彩虹啫喱杯、雜果海洋同埋好香甜嘅黃金芒果特飲，賣相100分，帶甜品控去食啦，佢一定會好開心！

日期：即日起至8月23日

地點：太古城中心一期二樓260及261號店

4. T Galleria x HABITŪ – LIPS CAFÉ

為慶祝T Galleria銅鑼灣店開業5周年，特別搵嚟HABITŪ合作，推出期間限定LIPS CAFÉ，以唇膏作主題，推出一系超靚同夢幻嘅美食，包括有特式飲料、雪條、蛋糕圈同埋曲奇餅，唇膏控一定要去！

雪條有芒果香橙味、西瓜洛神花味、士多啤梨忌廉味、玫瑰咖啡味（$38）

蛋糕圈包括有芋頭味、士多啤梨味、法國粉紅玫瑰味、鮮奶咖啡開心果味（$38）

飲品就有洛神花喜冰樂配青檸、香橙及檸檬果粒（$49）、紅菜頭青瓜喜冰樂茶配蜜糖忌廉（$49）、玫瑰杏仁奶泡配自家製玫瑰花蜜（$49）、黑朱古力喜冰樂配棉花糖雲（$52）、Classico No. 3 冷泡咖啡(＄３２)、醇黑玫瑰冷泡咖啡（$32）

日期：即日起至8月31日

地點：銅鑼灣希慎廣場T Galleria

5. AMMO – Miffy 下午茶

AMMO推出期間限定嘅「AMMO x MIFFY 仲夏之旅」Tea set，以Miffy做主角，設計出多款精緻嘅甜點，同Miffy粉絲一齊去啦，期間限定去到8月31日喳！

Miffy下午茶有咸點同甜點，第一層嘅咸點就有一口芝士牛肉漢堡、甘荀仔伴鷹嘴豆茸及西班牙番茄凍湯，第二層為牛油曲奇、朱古力甘荀杯子蛋糕，第三層有白朱古力草莓慕絲、馬卡龍、Miffy 果汁糖及法式焦糖燉蛋最後就有Miffy樣嘅濃朱古力慕絲蛋糕、焦糖香蕉蛋糕。

現凡惠顧二人用下午茶一客，每位客人更可獲贈於荷蘭生產的限量版Miffy鎖匙扣乙個，一共6款造型，超可愛呢！

價錢：下午茶（$368）包含兩杯咖啡/茶。

日期：即日起至8月31日3:00pm-5:00pm

地點：金鐘正義道9號亞洲協會國際中心

電話：2537 9888