嚴選!21句子華神最有哲理的金句

by 新北由己

係時候回顧黃子華歷年來的經典金句,當中大部分具啟發性,分分鐘影響你一生!




1.「我覺得講得出『我好鍾意返工』呢句說話嘅人,一定係鬼上身。」

 

2.「大家都知,呢啲係道德問題,而邊個討論道德問題,邊個就係不道德。」

 

3.「喺呢個世界上有100分嘅男仔,仲有100分嘅女仔,但係就冇100分嘅伴侶。」

 

4.「點解呢個世界有戰爭?因為我哋有武器囉。

咁點解我哋要有武器呀?因為佢哋有武器囉。」

 

5.「女人不嬲都好鍾意用啲好偉大既字眼……『永遠』。

永遠夠偉大喇掛?但係女人嘅永遠,係有實質數字既:

三次,三次就係等於永遠。」

 

6.「人生三大矛盾:搵食啫,犯法啊?我想㗎?

宇宙最高法則:係咁嫁啦,好出奇呀?」

7・「勞力士,有邊個靠勞力搵食既人帶得起勞力士丫?

越帶勞力士既人就越表示佢唔駛用勞力!

呢啲,就叫做幽默啦。」

 

8.「一個每日嘅理想就係打風嘅人,又點會覺得慚愧呢?」

 

9.「相對論話:空間唔係絕對既。咁即係話,一個空間,可以有多過一個面積啦。

我躉樓,就有一個空間,兩個面積。

一個係實用面積,一個係建築面積。」

 

10.「大家只要有飯吃,生活穩定,就咩都可以唔理!安定生活,先是人民嘅真正鴉片。」

 

11.「做咩買串魚旦,大家都咁多錢,但我少佢兩粒架?

噓!我唔要你畀多兩粒我,我要你拎走佢嗰兩粒。」

 

12.「幾時揸保時捷最好?塞車嗰陣。大家都塞兩粒鐘。你嗰啲叫嘥時間,我嗰啲叫曬時間。」

 

13.「你明唔明,ADIDAS嘅偉大唔在於製造咗ADIDAS,

佢嘅偉大在於佢能夠製造一大堆無數咁多嘅白飯魚,

你一望我對波鞋,你就係白飯魚啦。」

 

14.「BB係有一個正式嘅生理嘅學名,佢嘅學名就係

『大肚劇痛家吵屋閉賴屎賴尿供書教學無風無浪都起碼都洗你四百萬仲係一定唔還錢』。」

 

15.「你愛嘅,你得唔到;你唔愛嘅,你甩唔到。」

 

16.「共產主義唔係話唔好,你成個國家都係得4個人咪幾好囉!仲要係最好其它嗰三個人都有錢過你!」

 

17.「我就係抱『嗰啲、呢啲』精神去拍嗰部戲,果然第一日導演就投訴個劇本唔夠好。

我安慰佢話華仔偉仔咪拍『嗰啲』劇本囉,

咁我哋係應該拍「呢啲』劇本囉。」

 

18.「人類嘅食物鏈係簡單好多,淨係分為三層嘅啫,

最低層無產,中層係中產,頂層係冚家產,

絕冇不敬嘅成分,因為呢啲頂層嘅人民,

佢全家唔係田產、房產、就是地產,

真係名副其實冚家都係產,所以有時叫冚家產叫咩野啊?

叫冚家富貴啊。」

 

19.「上帝創造處女,男人創造婦女。」

 

20.「座樓係人地嘅,叫負資產,好斯文嘅,

座樓係自己嘅,就叫負家產。」

 

21.「化妝就係你落咗妝,我仲認得你,你落咗妝,我唔認得你,嗰啲叫做喬裝。」

LOAD MORE