裸辭不裸辭?你要考慮的4件事

by isaB

當你工作多到壓力滿瀉,爾虞我詐的同事卻在互相卸膊,昏庸的管理層卻不能明辨是非又或者視而不見?夠啦,我忍夠喇!我唔撈喇!咪住,但你未搵到下一份工喎,咁辭唔辭職好先?裸辭是需要無比的勇氣,雖然心裏面有一千個想走的理由,但不妨先考慮下以下四件事,再做決定都未遲吖。

 1. 經濟有否壓力

每個人家庭背景唔同,所以盲目叫人追隨自由而辭職係一個不負責任的事。有人屋企一家大細等住你開飯,今個月你無左份工,下個月已經唔知食咩好。亦有人有的是父蔭,返工只是賺錢賣花戴。面對著已經無再心儀的工作,如果你有經濟唔允許的話,我勸你都係訓個好覺,聽朝起身翻工又係一條好漢。但如果經濟情況允許的情況下,等我老土同你講一句 follow your heart,放膽去追尋你的夢想啦!係咪好勵志先?

2.  能否看見將來

我明白你宜家工作好辛苦,但如果呢份工作你可以見到未來的話,會唔會捱多一陣就會守得雲開見月明?你付出大家有目共睹,升職加薪就係你面前。都捱左咁耐,證明無野難到你啦,咁不如捱埋佢啦。

3.  值得留戀的地方

雖然你宜家對工作百般唔滿意,但出去搵另外一份工作自自然然會有其他的煩惱。細心回想呢份工會唔會有你值得留戀的地方,例如醫療保超正到連睇牙醫都有得 claim、或者就近商場lunch 可以同隔離位啊 May 一齊行下街先翻、 有或者落街煲煙時平時會遇到的超靚仔隔離公司男同事?呢一切都係員工福利黎架,一時衝動辭職之後你可能會唔捨得呢。

4.  對裸職後的規劃

如果你對自己有個清晰的目標,例如休息三個月之後搵工,或者去個 working holiday之類的計劃,咁我一定會大力支持。但如果你未有打算,純粹知係想離開現狀而不知何去向的話,我建議你再諗清楚先再辭職啦。

 

延伸閱讀:職場女性必學!教你如何反擊職場大男人

延伸閱讀:完美職場求生術!即學八大神回卸膊同事絕招

LOAD MORE