這叫不拘小節free style!麻甩系女生必做的十件事

by by Rain

潮流興free style,那就不得不講free style的麻甩系女生!素顏踼拖是基本,飛bra走奶、隊啤gur氣都難不倒她們,到底為何這班女子要放棄愛靚唔愛命的做女人原則?其實只是天生有顆不覊的心,「別人笑我太麻甩,我笑別人不懂得」!我們又來看看,麻甩姐的日常十件事。

麻甩系女子日常事1—自嘲是常識吧!

見盡太多自我感覺良好的女人,除了不屑,還是不屑。麻甩系女子好有自知之明,也清楚自己的定位,因此不會有那種「好多人鍾意我呀」的錯覺。邋塌就邋塌,只要忠於自己有何不可?面對其他貪靚閨蜜時,大不了自嘲一句:「麻甩啫,犯法呀,我想㗎?」

麻甩系女子日常事2—護膚慳水化妝慳力

都話咗麻甩,怎能如塵世間的女子一樣日日搽呢搽路?嗱﹗一次最多擦一樣嘢,除了補濕cream,其他如再生、美白、煥膚、抗衰老產品⋯⋯都是浮雲,有時會求其到連眼霜都唔擦㗎﹗至於化妝,除非要去見好久不見嘅初戀啦,否則都係素臉朝天,連必備的潤唇膏,永遠都膏蹤成謎。

麻甩系女子日常事3—放工啤一啤

返工受晒氣,放咗工當要要放埋氣啦﹗麻甩女子的不覊魂要靠氣體先釋放到出嚟,因此回家途中去7仔買或回家後打開個雪櫃,飲罐啤先可以為美好的一天劃上有氣泡圓滿句號。P.S.冇啤,Coke都得㗎﹗

麻甩系女子日常事4—講嘢偶爾夾雜粗口

麻甩系女子講粗口分分鐘勁過職安漢子﹗之不過咁,基於外貌形體始終是女仔,收斂小小,返工時少講,放工後講返夠本,與男/女閨蜜聚會時大講特講。不過講粗口唔代表無禮貌,麻甩系女子深明粗口必需有內容,聽的人才會覺得爽﹗

麻甩系女子日常事5—鬆身褲與T恤

你絕少見到她着連身裙、緊身褲,或有喱士、floral prints的衣服,她最愛的是T裇與鬆身褲或牛仔褲,總之能讓她活動之如無顧忌的衣物,都是她的#OOTD。

麻甩系女子日常事6—放任體毛自我成長

又唔係話完全唔處理,不過可以避得過又剃又刮就避咗佢啦﹗麻甩系女子只有在夏天時會比較積極進行脫毛工程,一旦進入秋冬長衫褲沒出時候,她的身體會回復自然節奏。

麻甩系女子日常事7—最愛食「地嘢」

邪惡、隱世、流心、拉絲就不要預她了。如果去食雞煲、大排檔小炒、打邊爐,她一定好樂意奉陪﹗

麻甩系女子日常事8—whatsapp少打字

與友人在whatsapp群聊,麻甩系女子少打字,一係語音,一係發圖,自high自樂,身為她的朋友,有時都有小小無奈,但又明白佢份人麻甩成性,好鬼手懶。

麻甩系女子日常事9—脾氣來得快去得快

有時會面斥友人,但事後又失憶一般嘻嘻哈哈。其實麻甩系女子只是不慣把怨懟藏在心裏,也不玩心照不宣那一套,直來直往是她們的個性,而很好的是,她們通常不記仇,也很少秋後算你帳。

麻甩系女子日常事10—長霸家中梳化

麻甩女愛宅在家,因為家最舒適,甚麼都方便就手,尤其是家中那張梳化,一旦坐下了就可能是幾小時或大半天。

深圳只有海底撈?TEAMLAB文青悠閑一日遊!

女生系便利食譜,新手也可零難度變一家之「煮」!

LOAD MORE