女人不壞,男人不愛!4個女人要學懂的小機心

by Text by isaB, edit by Jin

真人真事:最近有位舊同學老公嗌離婚,原因竟然是舊同學「唔夠港女」!正所謂「女人不壞、男人不愛」,樣靚身材正吸引到男人一時,但獨特的個性先係你恆久既武器。倘若凡事千依百順,就算越過底線都依然成隻小綿羊,咁樣只會顯得毫無挑戰性。今次教你耍少少壞,保持自己嘅新鮮感啦!

 

 

1- 不做好女人

好多女人仲認為「出得廳堂、入得廚房」係好女人既指標,但時至今日已經Outdate咗喇。好多人以為男人賺錢養家,女人就應該攬曬所有家務上身。老公一返到屋企即刻斟茶遞水擔拖鞋,佢就好似大爺咁攤係梳化玩電話,你以為咁樣叫愛,慢慢佢就會嫌你煮飯唔好食,嫌三嫌四。無他嘅,都係你太好縱出黎嘅。 女人要係適當時候懶少少,激發男人想照顧你既心態,咁段關係先會平衡架嘛。

 

 

2- 嚴禁做管家

結婚前大家都係無憂無慮嘅公主,男人示你為掌上明珠。 但結婚後女人要操心既野變得相當多,你會為男人事業前途而擔心,仔女學業問題而擔心,家庭支出而擔心,如果你變左樣樣都要操心嘅管家,唔好以為佢會因此而感激你,相反既係佢可能見到越黎越煩既你。如果你事事都幫佢打理曬,咁佢嘅心思會轉投係第二啲野身上,甚至係第二個人身上。 

 

3- 醋該呷就呷

有種女人怕被視為小氣,就算另一半其他女仔幾咁親密,行為過曬界都好,都只會自己默默承受,而講不出聲。但其實適當地表現出呷醋,先會令男朋友知道邊度係你嘅底線,從而變得更加守規矩。呷醋唔係叫你一黎就大發雷霆,而係可以選擇嬌嗲地暗示比佢知道佢做咗咩會令到你介意。

 

4- 切忌太慳家

結婚之前你都會行街買衫,但係結婚之後竟然變的「賢淑」咗,咩都幫老公慳住荷包。見到靚衫唔捨得買,有好既化妝護膚品又唔捨得用。連同朋友食個tea、睇場戲都唔捨得用嘅話,你覺得自己變得好慳家,但其實係男人眼中你係根本唔識生活。正所謂「男人賺錢養家,女人貌美如花」,一個外表光鮮嘅女人,男人帶出去都有頭有面啲啦。男人嘅錢,唔洗係你身上,就會有第二啲人幫佢洗咖喇。

 

延伸閱讀>>女強人要識睇眉頭眼額 4種面相男人嫁得過

延伸閱讀>>12句25歲後的成長暗語

LOAD MORE