男人心理學:6種回覆反映佢只不過係搞曖昧

by 何渾

 

 

好多姊妹同異性在文字上有不斷的交流(例如日日whatsapp),就以為自己得米了。相我,有好多男人就係睇中呢個「想得太多」的弱點,好似娘娘咁得閒派下軍糧,搞下曖昧不知幾爽 — 唔駛負責任的同時又有人喺佢空餘時間過下口癮。如果你有朋友,遇上異性向佢講過呢幾句說話,就好快啲叫醒佢啦。

 

 

1.突然傳送自拍給她

女人心理:你喺個男仔心目中有一定的位置,因為佢想同你分享佢的生活,想得到你的吸引。

 

男人心理:唔好FF咁多啦,其實冇咩意思,自拍其實都share俾幾個女仔⋯唔知邊個會有砲友的機會呢?

 

 

2.我最近⋯有啲忙

 

有時佢會好快覆你message,但有時就隔咗好耐都唔覆,最後會講「我最近有啲忙」。

 

女人心理:沒關係,佢忙都好正常,份工咁多野做。(然後秒回:唔緊要 :))

 

男人心理:之後藍剔已讀不回你。

但如果男人遇上心機女,識得話「似乎你真係好忙,你忙你的吧,我都係唔同你吵啦」,咁樣反而會挑起男人要征服的個性同慾望,自自然然做秒回的一個。

 

 

3.Hi!

 

女人心理:嘩!佢搵我呀!(心裡即刻變Connie兔心心眼跳躍)

 

男人心理:用Hi做開場白,其實有2個意思。

意思1:老老豆豆,有事相求,冇咩嘅其實唔想hi。

意思2:用Hi做開場白,然後講啲無謂野,其實因為對你有啲啲興趣。

 

 

4.我等你的

女人心理:嘩~觸發起無窮的少女心,今次應該真係對我有feel啦!

 

男人心理:如果講完「我會等你的」之後又冇明確地表白,其實都係隨口講吓,唔好咁認真喎⋯⋯

 

 

5.我突然有啲事,我地再約啦

女人心理:唉,仲特意準備,唯有睇吓下次約得成啦。

 

男人心理:放得飛機一次,再約第二次都可以放啦。如果係約到女神,一定肯等娘娘化2個鐘頭妝遲到的!

 

6.我沖涼先

女人心理:ok,等三個字後睇下佢online未先。

 

男人心理:要覆返女朋友/ 女性朋友B,C,D 先。三個字後,已經忘記要覆你鳥。

假設真係沖涼,又真係對你有興趣,三個字後佢一定會即刻覆。

延伸閱讀:30歲後要搞清搞楚!拍拖與婚姻的 5 大不同

延伸閱讀:我渴望的愛情就是 張繼聰 和 謝安琪

 

LOAD MORE