天然呆演活麻甩的士佬!馬國明憑《降魔的》發圍 擺脫膠劇男主命運?

by 何渾

馬國明、黃智雯主演的台慶劇《降魔的》開播,雖然外界形容此劇為「卡士最弱」的台慶劇,不過由於劇集由「重重有賞」鼓勵創意計劃而衍生出來的首部電視劇,加上以靈異題材為主軸,都叫有睇頭。亮點之一當然係馬國明,網民大多正面評價其表現,認為他完美演繹的士佬的角色。


 

 

1.膠劇男主命運?

話就話馬國明係TVB嘅親生仔,不過就經常被懷疑大台係咪喜歡整蠱佢,因為其出演膠劇的次數之多,無人能及,包括《流氓皇帝》、《賭城群英會》、《回到三國》等等,佢同角色格格不入,搞到次次都被人插佢演技差,慘不忍睹。

 

 

降魔的》一出trailer,啲CG就已經令人聯想起膠味,同時令人擔心人稱筍盤的馬國明又再一次跌入膠劇陷阱。不過好彩,開播以來,網上不少好評,仲大讚馬國明演得好,終於洗脫膠劇男主命運!

 

 

2.陰陽眼的士司機

降魔的》講述由馬國明飾演的陰陽眼的士司機,會接載其他空間的生物,當中穿插降魔情節,同時滲入親情感人故事。

 

首次拍攝靈異劇集的馬國明表示:「覺得幾得意,觀眾心態係愈驚愈要睇,希望呢個題材會帶畀觀眾新鮮感。」亦很開心,因之前的角色較斯文,今次可以開闊戲路。

 

 

3.造型佬味夠濃

行開靚仔小生路線的馬國明,在劇中飾演的士司機「小馬」,擺脫一向西裝骨骨形象,換了一身街坊look示人,穿上T恤、短褲,最重要加埋腰包,一陣麻甩味湧哂出黎。

 

他的一身的士佬造型,配合其到位表情,佬味極濃,麻甩又貼地,入型入格,無違和感,造型100分!

 

 

4.演得夠放夠麻甩

馬國明不嬲有點「天然呆」,以往要他做專業人士,局限較大,要Chok樣示人,觀眾覺得有點「夾硬」。今次,由於演繹的士佬,可塑空間甚大,亦更適合馬國明夠真的個性。第一集中講述他載兩名賊人到貨櫃場時,當他見到賊人眼睛是紅色的時候,驚訝得「天然呆」,網民大讚他演得非常自然,很真實、很討好,「演到好市井的感覺」。

 

 

5.連監製都讚好

馬國明自己都覺得的士佬這種比較貼地的角色好啱自己,連監製都大讚選角選得對,樂於發掘馬國明粗魯一面。

 

 

6.溫情演繹

馬國明與謝雪心演繹的一段母子情十分窩心,尤其是馬國明原來只是她的養子,心姐不時對馬國明呼呼喝喝,但馬國明一直對她非常孝順。劇情透露心姐有個親生兒子豪仔,卻因為馬國明而導致早逝,成為她心中的一條刺。

 

 

延伸閱讀>>> [女兒控]陳小春錫到小泡芙上天 寫信訴心聲!

延伸閱讀>>> 愛老婆、錫仔女、照顧退休父母!森美係有膊頭有腰骨嘅好男人代表

LOAD MORE